يقول طاوعني ولا تجيـب سيـره
ابنصحك يا عل في الامـر خيـره
طوف علشـان اتعـدل امـورك
وجامل خصوصا فالامور الكبيـره
وسولف مع هـذا وهـذا وهـذا
وحتى اللي مايفهم بشي استشيـره
رفع لخلـق الله وضبـط معاهـم
الدنيا حرب اختار دورك وصيـره
اما تكون سلاح والنـاس هـذي
ذخيرتـك والا تكـون الذخيـره
ونافق شفيها ياخـي لمـا تنافـق
لا اول ذنوبك ولاهـي الاخيـره
واكذب يا عمي اصلا الكذب متعه
يكفيك من شره ويعطيـك خيـره
واذا بـلاك الله بقـول الصراحـه
قول الصراحه فالامـور الصغيـره
ازعجتنا بالصح والحق والصـدق
الصدق ما ودى هل الصدق ديـره
وخلص كلامه صاحبي وانا ساكت
ومن عقب ذاك اليوم صاحبت غيره