يالله دخيلك من حنان .. ومضاوي
يالله دخيلك من عذاب ...المزايين
هم قسموني بينهم ...... بالتساوي
هم قسموا قلبي وباقي . الشرايين
هذي تغطيني بشعر ........ رهاوي
وهذي تفرشني بكف ....... ونهدين
لو شافهن ضاوي مع القرم .. غاوي
خطر عليهم يلحقون ..... المجانين
هذا الهوى ما هي علوم .... ومناوي
كل يغني والعذارى .......... بعيدين
حنا سلينا بينهن يا بو ........ ضاوي
وانتم على الريحة بليا ...... عناوين
هذي توديكم على ذيب ....... عاوي
وهذي توديكم على ضبعة .... البين
تعالوا يمي يا بعيد .......... الهقاوي
شوفوا مضاوي واختها تكحل العين
تعالوا شوفوا الحلا ...... والحكاوي
شوفوا حلاهن وين وعلومكم وين
القارظ العنزي