سـلام ياللـي تنتظـر للاجـابـه
غلاك عندي من غلا الجسم و الروح

الحـر حـر ولـو تزايـد عذابـه
ما يشتكي من جور الايـام ويبـوح

كانه عشان الصيد يشكي الإصابـه
مخلابه اللي دايم يصيـد مجـروح

لو صابني وقتـي ومكّـن صوابـه
فالصح صح وكل غلطان منصـوح

الحـر حــر والذيـابـه ذيـابـه
من يجهله يصبح مع الدرب مفضوح

ماهوب انا اللي عشت في وسط غابه
عن زلة الاصحاب ياذيب مسمـوح

واللي رقا باالطيب فـوق السحابـه
ذكره فخر يبقى مع النـاس ويلـوح

قولك مع فعلـك ليـا مـن تشابـه
مالك ومال اللي يشكـك لمصلـوح

دايم مع اهل الجود تلقـى الرحابـه
أهـلا هـلا ودلالهـم دايـم تفـوح

حيّاك باللي جابـه الطيـب جابـه
اقلط تفضل دونـك البـاب مفتـوح