الظلم لازم بيوم يرجع على راعيه سبحان الله


يقولون فيه واحد طبعا ما هو هالوقت بالجيل اللي قبلنا او اللي قبله تقريبا

يعني ايام ما كان الناس قليلين والمدن صغيره
المهم هذا وحيد لامه وابوه من الذكور وله خمس اخوات

توفي ابوه والظاهر ان الرجال طمع بالارض والحلال اللي بالارض ( من كبر الارض والحلال ) اتوقع انها راضع تجي كبر بيوتنا هالوقت اول عندهم هذي مزرعه كامله
والحلال اتوقع شاتين وعنز وبقره وحده

المهم انه طمع
وعلشان يصير كل شي له ويتحكم فيه
صار الحبيب ما يزوج خواته الا من البعيد اللي ماهم بديرته اول اذا تزوجت البنت تروح مع زوجها خلاص ووين وين تزور اهلها هذا اذا قدرت تزورهم
لا فيه سيارات ولا قطارات
زوج وحده والثانيه بنفس هالطريقه
امه طلبته قالت عط اللي يخطبون من ديرتنا ابي بناتي عندي
وترجته لكن الحبيب يخطط ما يدري ان ربه فوقه وهو العالم بالنيات
دارت الايام وخواته كل وحده بديره ما يعلم بحالهم الا ربهم

وقلب اميمته مسكينه يتقطع على بناتها
وكبرت ولا عندها احد يداريها ويساعدها ويشيل عنها ويحط

وهو تزوج وبدا مع زواجه عقاب الله سبحانه وبدا يحصد حصاد الظلم

يقولون سبحان الله كل ما جاه ولد وفرحه فيه شهر شهرين توفي
وكل ما جاته بنت وفرحت زوجته بهالبنت وهو فرح فيها توفت
الى ان زوجته قالت ما عاد ابيك وطلقها حاول يتزوج مره ثانيه حاول ما احد عطاه

وسبحان الله يقولون توفي وحيد لا اخوان ولا خوات ولا ام راضيه

ما بقى معه الا بقرته والنعجتين

الظلم ظلمات