بقلمي الشاعر ابوالليل الشريف
لعنبو جد الفقر يومه ينكس....... بالرجال
ولعنبو الحاجه تخلي الرجل في قومه ذليل
في زمنا مايعيش الشخص لاهو دون ...مال
ايه عايش بس كنه في وسط ناسه. قتيل
هدهده وقته تشوفه مابقى غير ...الخيال
موت والله ما بقالك غيرها حاجه ....بديل
والله ماينفعك واحد لا جميل ولا..... جمال
وان معك قرشين جاصوبك*جمال وجاجميل
كم صبرت وقلت يالله ان تجيبه ..بالسهال
طال صبري والصبر لاطال ماهو .ب السهيل
ويش اسوي والمصايب فوق متني. كالجبال
مثل من بركت بعيره وهو وسط ....النقيل
مايعرف اشلون يرجع او يواصل ....للعلال
حار من كبر المصيبه طاح ما لاقى .....دليل
يازمن كثرت همومه وسط صدري ..ماتشال
يد وحده ماتصفق ومتن واحد..... مايشيل
اختلف لون الطبيعه اوحل الماء ......الزلال
زارني فصل الخريف اعلن اللون..... الرحيل
ياربيع العمر طول العمر ماشفتك ...تعال
ياسنين الشح شاح الوجه والخافق... عليل
وين ياشمس الصحارا مابعد شفنا ...ظلال
اختفت واحات عمري وختفى الظل الظليل
لادعيت الحظ جاوبني صدا صوتي ....وقال
اسكت اسكت يا وصابي ما طلبته مستحيل
اضحك وفي جوف قلبي نار توقد باشتعال
تحرق ضلوعي وتاكل زرع قلبي... والحصيل
قصتي ياسامعيها ماهي من وحي ...الخيال
واقع.ن.عشته ويشهد على قولي.. الجليل
وسلامة الجميع