على ذمىة الرواة ومتناقلين هذه القصه


قولون انه فيه حرمة ارمله وعنده بنت وحده من وزجها ومات ابوها عنها

والبنت هذي يقولون انها تجدع الطير من الزين . وكل شباب الديره دايخين يبون هالبنت
لكن العجوز عارفة الطبخه ومستغله الوضع لقوه
كل من جاء يخطب هالبنت شطرت عليه ذاك المهر اللي يقص الظهر
والناس ذاك الوقت حياتهم على قدهم ما عندهم بطرة هالوقت

ولكن ما يفك الحديد الا الحديد وكل عجوز ملكعه لها شايب عاجنته الدنيا ههههه


فيه واحد من الشباب دايخ على البنت يبيها باللي هي به
دايخ وصل مرحله خلاص يبي البنت ههههه

يوم من الايام والولد يهوجس ويفرك لحيته قطعها من الحماس بالهواجيس شافه ابوه . ساله قال وش عندك عسى ماشر

قال الوله يبه ابي فلانه عجزت وامها حاطه مهر ما جمعت الا نصه بس

قال ابوه بس تبي فلانه ؟؟؟

وين الفلوس اللي جمعت عطني الفلوس وتعال
اخذ الشايب الفلوس وراحوا للعجوز سلم الشايب
قال ام فلانه قالت العجوز سم يا بو فلان

قال انا ابحكي ولا تقولين شي لين اخلص
قالت سم هات عطنا
قال انا جاي اخطب فلانه لولدي فلان
قالت الله يحييكم والمهر تعرف كم ؟
قال خلي اكمل لا تقاطعيني
عاطاها نص فلوس اللي جمعها ولده ما تجي ولا ربع المهر قال هذا مهر فلانه من فلان
قالت وش ذا ؟؟؟؟؟؟؟

وعطاها الباقي قال هذا مهرك مني
الولد يبي ياخذ فلان وانا اباخذك
حنا جينا نخطبكم الثنتين

استانست العجوز وتشققت خشتها من الوناس
وقالت الله يحييكم الساعة المباركه

يقولون ان الشايب عاد جاب منها عيال وبنات
والولد بعد رزقه الله