الموضوع: يحكى ان ........
عرض مشاركة واحدة
قديم 07-01-18, 01:05 PM   #7
الغاوي

الصورة الرمزية الغاوي

آخر زيارة »  08-08-18 (10:01 PM)
المكان »  السعوديه / الشرقيه
MMS ~

 الأوسمة و جوائز

افتراضي



اصحاب الهيم

الهيم ( كيس من الجلد قديما يحفظ فيه الاكل او الدهن لوقت طويل حتى احيانا يكون بقساوته كالحجاره يكسر كسرا )

ما عندهم اول ثلاجات وفريزرات

نرجع للسالفه هذي سالفه سمعتها من الوالد الله يرحمه
كبرت عرفت انه كلن الله يغفر له ويرحمه يعطيني درسا

المهم السالفه

يقول كان رجال يوصي ولده قال له اسمع يا ولدي اذا صار ما صار بالدنيا ومت شفت ذالهيم ... لا تكسره ولا تقربه الا اذا ضاقت بك الدنيا وتسكرت بوجهك كل بيبان الزمان

قدر الله ومات الشايب طبعا الولد صار هو المسئول عن اهله والبيت تسبب بالرزق يمين ويسار يوم ويوم

والعيشه كسيفه والناس تطلع من الديره تروح غرب او شرق او اي مكان يترزقون الله حتى انهم وصلوا للهند ولمصر وللشام واذا طلعوا يقعدون بالسنين ما هو بالشهور وبعضهم ما يرجع

سمع ان ربع ابوه يبون يطلعون من الديره يترزقون الله راح لهم وقال انا ودي اخاويكم فرصه لانه صغير وهذولا اخويا ابوه اكيد يبون ينفعونه ويفيدون ويساعدون على الدنيا وشقاها

طلب منهم وقالوا له طيب تزهب استعد باللي عنده ودع امه وضربوا الدرب طبعا مشي لا ركوب ولا شي

بالطريق صاروا اذا جاء الاكل يطونه فضلتهم ويامرونه وخلوه يخدمهم
ولا كان بينهم وبين ابوه رفاقه او عشره وكل ما وصلوا ديره ولقوا شغل او تسببوا يخلونه اخر واحد يعني بالمختصر خلوه خادم لهم وطلع من السفره هذي بلاش اكله وشربه ما غير لا وحسسوه انهم متفضلين عليه بشربه واكله
ضاقت به الدنيا لكن م ايقدر يرجع لحاله لا يعرف الطريق ولا معه اللي يرجعه

صبر الولد لين الله سهلها ورجعوا لديرتهم وفيه قهر وغبنه عليهم وضيقة من الحال
بهالوقت تذكر الهيم اللي ابوه كان يقول له عنه
جاء للهيم وبسم الله وكسره .......................
بعد ما كسره الا ذهب مليان الهيم ذهب عرف ان ابوه مخبي هالذهب له ولاهله

اخذ الذهب وتوازن ولكن سفرته مع ربع ابوه علمته عن الدنيا اللي بسنه تعلمه بيوم

قام واشترى ذبيحه من يشتري ذبيحه ذيك الايام ؟؟؟؟؟

طبخها وعزم عليها ربع ابوه

قلطوا واكلوا واستغربوا قالوا منين لك هالفلوس
قال الفلوس موجوده لكن انا رحت معكم ابشوف ربع ابوي وشم وطلعتوا ما تستاهلون من يتكي عليكم

قالوا حنا ربع ابوك وربعك من بعدهم


قال انتم ربع الهيم انتم اصحاب وصداقة الهيم

اكلتوا غداكم الله يحفظكم لا اشوفكم مرة ثانيه



وبس خلصت