..


كم لي وانا مبعد عن مصافح النور
عن موطني مسك الغلا والحبايب

..

ما هو على كيفي ولاني بمجبور
حدتني ظروف الزمن والنوايب

..

يا ظرفي اللي حدني منت مشكور
غَرَّبتني وأصبحت مبعد وغايب

..

عن شوف من حبيت والحب دكتور
يعالج جروح القلوب العطايب

..

شاعر واحس بلاهب الجوف والزور
تمر بانفاسي مرور الهبايب

..

احيان احس بغطرسة شعر وغرور
تقول وين اللي يصوغ العجايب

..

واحيان احس إني مغيب عن الدور
والوقت ذا وقت العنا والغرايب

..

والشعر له فكره ومعنى ودستور
لا تحسب إن الشعر بيديك سايب

..

صحيح انا مغمور ماني بمشهور
لكنْ لي فالمسك جملة حبايب

..

مع السلامه قلتها لك من شهور
ولاني بمخطي ولاني بصايب

..

//


هايم .. اللي يحبكم كثير .. يا بني سويده



....