مهما قريتي من سرد .. ومهما سمعتِ من نصائح ..
تبقى مفاتيح تقدرين تستعينين فيها ..
لكن ما تتعلمين كثر ما تجرّبين الموقف وتعايشينه ..
وتحسّين بمرارته .. وايش هي تبعاته ..

بالأول حطّي ببالك قاعدة ..
بالدنيا ذي ما أحد كامل ..
ولا فيه شيء 100٪ صح ..
لأنك بالنهاية بشر .. طبعك تصيبين وتخطين ..
تقاربين للصواب أحيان .. وتبعدين عن الخطأ أحيان ..

يقولون الطّبع يغلب التطبّع ..
لكن الانسان لا عرف إنّ فيه شيء يأذيه بيبتعد عنه ..
فالله سبحانه وتعالى أعطاه نعمة التمييز والتفكّر ..

اعترافك بشيء سلبي فيك جدا ممتاز ..
اعتبره أول خطوات تخلّصك منه ..
لكن لازم تقرنين هالشعور بفعل ..
إنك تعودين نفسك على السكوت ..
يعني بداخلك شيء بتقولينه تشغلين نفسك وتفكيرك ..
تعدين من 1 الى 10 و العكس ..
تفكرين ايش بتسوين بكره .. وين بتروحين ..
أي شيء المهم تشغلين نفسك ..
مع الوقت تلقين نفسك تعرفين ايش تقولين وايش ما تقولين ..
وراح يغلب صمتك .. لأنك بتحسين براحته ..

واسمحي لي أهنّيك إنك متسامحه مع نفسك ..
وإنك تعرفين عيوبك قبل لا أحد يقولها لك ..
لأن مو أي أحد عنده هالميزه ..