صحيح ان الحياة اتعاب مدام ان الزمان اتعاب ..
وانا ما اتعبني اكثر منكـ ياللي غبت عن عيني ..
ياليت ان المحبة روح مافيها جفا وغياب ..
بعد ماشفت وش سوى غيابكـ والجفا فيني ..
بعد ماكنت انا وياكـ جسم وروح صرنا اغراب ..
ولاعاد اقدر اشوفكـ بعد ماكنت في ايديني ..
على غفلة تغيب من الوجوة وخاطري ماطاب ..
وانا اللي كنت ابي انسى كل شي بينكـ وبيني ..
احسب اني صبور ولا نفعني صبري الكذاب ..
انا ويني وين الصبر وانت اللي تباريني ..
على الحال ما اصبر في غيابكـ يابعد من غاب ..
عسى الله مايجيب الساعة اللي منكـ تنهيني ..
وعلى الحال ماعندكـ صبر ياقلبي النصاب ..
نهيتكـ للمتاهات الطويلة لاتوديني ..
عصيت الشور ماطعت الكلام ولاحفظت احباب ..
ولا تقوى الصبر بعد الفراق ولا تواسيني ..
حبيبي غابت الفرحة وغاب من الحياة اصحاب ..
وبقيت انت الوحيد اللي بها الدنيا مخاويني ..
تهب الريح بانسام المحبة لا تسد الباب ..
ترا الدنيا تميل وعنكـ مامالت موازيني ..
تعال وكثر اعتابكـ علية كانها بعتاب ..
وانا اللي تطلبة في كل حالاتة بيرضيني ..
تعبت من السهر لين السهر مل وخفوقي ذاب..
وانا بس انتظر صوتكـ لو مرة يناديني ..
وش اللي علمكـ طبع القسا ياالناعم الجذاب..
وش اللي بدلكـ وانت بحنانكـ كنت تغريني ..
ترا اللي صار كلة والفراق اللي بدون اسباب ..؟
تراها ماتساوي قول تكفى لاتخليني !
لشاعر فلاح عشوي العنزي
qpe]qpe]