أخاف أموت من حبك
انا احبك ولكني اخاف اموت من حبك
تعبت اذوب في قربك واذبل ساعة اغيابك
عظيم الشوق له سطوه ولاهو ذنبي وذنبك
اذا رياحه غدت اقوى من الاقفال في بابك
اعرفك وافهم احساسك وانا المزروع في قلبك
كأني حارس لنبضك وموعد سهد لاهدابك
حنون وحتى كاس الماء يسمي عنك في شربك
كأنك من رحم ورده خلقت وزهرك انسابك
يميل بلا سبب غصنك اجل وشلون لاهبك
نسيم وصاحت خيوط الحرير ارفق على ثيابك
ماعاد اشري عطر بعدك وانا صرت اتعطربك
يا(عطر.... الاولى) يضيع الطيب باطيابك
معك يتنفس (الفجر الوليد) ولو يبشربك
عروق الشمس تتورد.. وكل الكون احبابك
مع طيور الهوى دايم تغرد محترم سربك
مع هذا يشوفونك تغرد خارج اترابك
لانك مختلف عنهم وهذا الشي من ربك
دروبك لما تمشيها تقول
الله لنا جابك)
على هونك ترفق بي وفي حالك ترفق بك
(تموت بحبي..وتحيا..واموت بشوق واحيابك)
اخاف البحر لاكني..عشقته من كثر حبك
(تخيل تحته اتنفس!!!)ويخنق صدري اغيابك