لاضاق صدري والليالي قهرتني
مالي سوى الكتمان والدمع سايل
دنيا رديه بالهموم اغمرتني
ارجي زوال الهم والحظ مايل
والضيقه الي في الخفوق كتمتني
دمعات عيني من سببها همايل
يمه فديتك ضيقتي دهورتني
بيني وبين الاونس مليون حايل
والنفس بالنكران حيل اهلكتني
وخيوط هم القلب صارت جدايل
والكلمه الي في الصميم جرحتني
من عقبها ياناس شفت الهوايل
ودي انا اكتم ضيقتي واجبرتني
وبانت وانا مدري في عز القوايل