07-15-18, 10:07 PM
|
#9 |
| | 
`
أحتـفـل بالجــرح..~`
• • • • • • •
تـدري فـديتك وشهـو اللي محلّيك
أنـك عـرفت تكون وتكون وتكون
وتدري فديتك وشهو اللي مسلّيك
أنـك قــدرت تخون وتخون وتخون
لآكـن فـديتك وشهـو اللـي مخلّيك
ترفع علي خشمك وانا فيك مفتون
أن كآن قصدك تختبر دمعتي فيك
أبشــر حبيـبي دمعتي لجلك تهــون
وأن كآن قصدك في بعآدك تجآفيك
أجرح حبيبي دآمك فـ/جرحي تمون
وأبشـــرك قلبـي عفآ عـن تمآديك
لجلي قصرت الشـر على أبليس ملعون
رح بشـــر العــآذل دآمــه مخآويك
قله كسرت بهيبته ويرتجي العـون
وأعزم على جرحي وقدم لهم كيك
وأملى من المشروب وعطهم يحلّـون
أبغى أحتفل بالجـرح دآمـه من أيديك
أبيك تعـرف وش كثــر فيك مجنــون
عيش انبسط مآعاش منهو يبكيك
وخل الحفل هيصه وانا فيك مدفون
بجلس انآظر رقصـتك للممآليك
يومك تهز الخصر وتطيح مليون
مليون ضحكه تنرسم من حوآليك
ومليون خنجر ترسم بقلبي أطعون
منشآن جرحي أهتفوا بالتبآريك
وآفي حبيبي ومثلك النآس يآفـون
وفي آخـر الحفله وأذا أذن الديك
والنآس رآحت ومآبقى غير بلّلون
وأكــوآب منثوره وبعـض التفآكيك
وجدرآن وسخه مآ أنعرف لونهآ لون
وغديت وحدك ورآح معهم تبـآهيك
وفستآنك البآهي مآغدت حوله عيون
وجلست تتذكر هيبة معـآليـك
فالنآس فالحفله وهم لك يغنون
وسآلت دموعك يوم تذكر تبلّيك
وتصرخ بعالي الصوت لآ لآ تروحون
رآحو بلآ رجعه وأنته بترجّيـك
احبآب حفله لـ/أنتهى الحفل يسرون
وأنسى جروحي وأبتسم لك وآناجيك
وعيـني وقلـبي من ألمهم يبـآكـــون
وأن قلت آسف قلتلك كلي أفديك
تآمر على كلي وكلي يلبـون
وأبقى معك يمكن بقربي أوآسيك
مغبون من نآسك وانا منك مغبون
أجيـك أنزف وأعتذر لك وأرآضيك
وأمسح لك دموعك وانا منك مطعون
وأقول أنآ جنبك و مآني مخلّيك
وبآلك معآهم وتسأل أن كآن بيجون
وأقـول في نفسي وأنآ جنبك ألهيـك
هونهـآ يـآقلبي .. ولآبـد بتهـون
وتجحد وجودي وغصب عنك أجآريك
وأقول تدري أنك اليـوم مـزيـون
ثم تلتفتلي ببتسآمآت تسسلييك
وتقول شكرآ لـ/أهتمآمك وممنون
وتآخذني الفرحه برقة تجنّيك
وأقول حلوه كآنت بننفس أو دون
برضى على ظلمك وخيبة خطآويك
يمكن تحس بقيمة النون يانون
ولآمن عرفت اني ضحية بلآويك
في وقتها بآكون أغلى من الكون
كآيـد
• • • • • • •
ملاحظة//
عمر هذه الأبيات تقريباً 12 سنه
يعني بدون تدقيق لكل تفاصيلها
لانها مجرد ذكريات ممتعه..~`
|
|
|
 |