والله ان الوقت ما يصفى بلا وصل المحبة
وان هويت اللي هوتني لي كلام ولي معاني
اوصف الترفه واجيها بالذهب ساعة نصبه
لجلها دايم تزين الطيبات من المباني
اجمل الأرواح ترقى في زمن ريب ومسبًه
في العلا مثل النخيل وراسها للغيم داني
اتخيل زولها في منتصف ليل اتنبه
يوم ناموا بعض خلق الله انا نومي جفاني
اتحرى شوفها واشب جمر الشوق اشبه
لو يسيل السيل كله لا وربي ما طفاني
نار شوقي موقده لو كل جرحن جاه طبه
والغلا لازال ساكن في وسط حدب المحاني
يا هل العرف ارشدوني لو عسير الضلع اذبه
والله انا طالعين الراسيات ولا نعاني
وين الاقي من يوصلني على مرسى وغبة
هي حلا كل القصايد يوم ربي قد عطاني
ما تبدلنا الليالي والرجل يخلص بحبه
يحفظ اسرار المحبة من زمان اليا زماني