منتديات مسك الغلا | al2la.com - عرض مشاركة واحدة - خسوف كلي للقمر يوم الجمعة (القمر الدموي) ، موضوع كامل ، وانتظر تعليقاتكم ..

**Az22** · 07-25-18, 01:10 AM

السلام عليكم

وأهلا بالجميع في عالم الفيزياء الجميل ..

باقي القليل على حدث كثير من الناس تنظره وخصوصا المهتمين بعلوم الكون والفضاء ..
بس من وجهه نظري المتواضعة ، أنا اشوف هالحدث يخص الجميع لأن الكل راح يشوفه أو ع الاقل راح يسمع فيه ..

يوم الجمعة مساءً ان شاء الله ، ننتظر حدوث خسوف كلي للقمر أو ( القمر الدموي ) اللي يعتبر الاطول مدةً في القرن الحالي ..!
راح تبدا مراحله الساعة 8:20 م وينتهي تماما في الساعة 2:28 ص.

----------------------------------------------------------------
هذي الظاهرة الكونية ، كيف تصير ؟ وليه يسمونها بالقمر الدموي ؟

عشان يصير خسوف كلي للقمر ، شرطين دقيقين لازم يصيروا :
1- الارض تكون بين الشمس والقمر ، والثلاثة لازم يكونوا على محاذاة خط واحد.
2- القمر لازم يكون مكتمل (بدر) .

بس الغريب ليه الناس يسمون الخسوف الكلي بالقمر الدموي ..؟
كلمة دموي مالها اي علاقة بالدم ، بس لان القمر راح يصير لونه أحمر..

خلال الكسوف الكلي ، القمر راح يمر بعدة مراحل من بداية الخسوف لنهايته .. وللتوضيح أكثر راح استخدم صورة للتوضيح ..

والشيء اللي لازم نفهمه في الصورة ، ولفهم المراحل اللي يمر فيها القمر ، لازم نعرف أن الارض لها نوعين من الظل اللي يصير خلفها بسبب الشمس .. وهم :
1- منطقة الظل الكامل ( اسمها UMBRA في الصورة).
2- منطقة الظل الخفيف والمنتشر ( اسمها PENUMBRA في الصورة) وهي عبارة عن منطقتين من الظل الخفيف .
---------------------------------------------------------------------

مراحل الكسوف الكلي:

1- في المرحله الاولى راح يدخل القمر في منطقة الظل الخفيف وراح يبدا يختفي لين ما يختفي تماماً.

2- القمر بعدها راح يدخل في منطقة الظل الكامل ، وهنا راح يصير القمر لونه احمر. والسبب ، في هذي المنطقه اشعه الشمس اللي لونها احمر راح تمر في الغلاف الجوي حق الارض ، وراح تنكسر هذي الاشعه الحمراء كلها باتجاه القمر ( الغلاف الجوي للأرض في هذي الحال راح يكون زي العدسة ، تكسر الضوء وتجمعه في نقطه وحده) --< راح يفهمها اللي كان يستخدم العدسة المكبرة مع ضوء الشمس عشان يحرق الاوراق هههه .
مدة مرحله القمر الدموي تقريبا ساعه و 45 دقيقة (من 10:30 م إلى 12:15 ص ).

3- بعدها راح يرجع القمر يدخل في منطقة الظل الخفيف من الجهه الثانيه ، وراح يكون مختفي تماما ، وبعدها راح يبدا بالظهور لين ما يطلع من المنطقه ويرجع بدر.

وبس ..
و لا تنسوا صلاة الخسوف ، وهذي احد الادله على دقة خلق الله ، فتبارك الله أحسن الخالقين ..
اعترفوا ، مين اللي يخاف من هالاشياء هههه .
اللي عنده سؤال أو تعليق ، هالشيء يسعدني.
دمتم بخير ..