الفاضله / مشكلتي

وعليكم السلام ورحمة الله وبركاته

ذحين ودي اعرف يروح النادي لياقه ولا لجل النحافه ولا اهتمام بالصحه
شكله والله اعلم ما احط في ذمتي
غيران منك لانك تاكلين الاخضر واليابس وهو محروم بجدول لياقه ورياضه واكل محدود ومايحمس

فجلس يفكر ويقول تاكل كل اللي يعجبها وماتسمن
وانا رياضه ونظام صحي ولو اشتهي شي سمنت
خلني اقولها اسمني

ذحين بالله عليك اذا سمنتي مهوب قايلك انحفي جسمك ملخبط وهاكا يعني يطلع عيب جديد فيك
بدل ماتاكلين اللي بخاطرك قديك توزنين اكلك وتصبحين وتمسين ع الميزان

الانسان اللي تعيشين معه لازم تشغلينه في نفسه عنك
قوليلي كيف
كيف
اقولك خذيلك حبوب فاتح شهيه ودقيها بين العصير له صباح ومساء
وخليه يهف حتى مايخف
قدهو ينشغل بنفسه ويصير اسطوانه
قدك تقولين له اباااااو انت سمين بالمره كل مايجي لك تسمن شكلو من النادي
لا امزح والله

نجي للجد

اللحين يومه قالك اسمني
ليه ماقلتي له عاجبني جسمي انا مرتاحه فيه وشكلي مناسبني
احبني كذا لو سمنت مابحب نفسي

ليه ماقلتي له كذا حطيتي الا تبكين وتشربين مخفوق الموز ذا
هزتك كلمت نحفتي مابتهزك سمنتي

خلينا منك
سؤال زوجك عاجبك 100 ٪‏
مافي فيه شيء يستحق تمسكينه عليه !!
يعني سنونه
وجهه
جسمه
شعره
حاجه فيه هاكا تستحق تقولين له ركب تقويم سنونك موب عاجبتني مخربه ضحكتك
او شعرك قصير مره احلى عليك يكون من على كتوفك
او كتفك عريض بالمره مخليك سبعه حاول تنقص منه



لاتاخذين بكلامي حق حبوب فتح الشهيه شخصيتي تختلف عنك مابضمن اللي بيصير لك
بقدر ماني ضامنه اللي يصدر من تفكيري


مانقد جسمك من فراغ النادي مأثر عليه وروتين الاكل خلاه ممل ويبيك تملين من الحياه
وانا انصحك تسجلين في نادي ووقت تروحي تخلين ولدك عنده مو عند اهلك عنده ركزي
ولاترضعيه اكتبي مقادير الرضعه وهو يجهزها ويهتم فيه
اطلعي النادي تنفسي تريضي تكون عندك لياقه الرياضه تنشط العقل هذا مفيد لك
شغل البيت خليه يجيب شغاله اذا تكدس في شغاله باليوم تجي كل اسبوع كفايه لك

وربي النادي حياه تلقين ناس تسولفي معهم وتتبادلين نقاشات طريفه
بالاضافه نشاط ولايقه بدنيه
وراعي والاهم من كلة راعي المحافضه ع وزنك الجميل
لاتمتني
الناس كلها تسوي تكميم وتذوق الويل من الحرمان عشان تنحف عندك نعمه وراعيها
فقط تمرني كلياقه وسجلي في اغلى نادي وارقى نادي في منطقتك

وبعدين غريبه بالعاده شريك الحياه يكون مشاركك في كل شيء
كيف مخليته يروح النادي وانتي لا
المفروض مسجله فيه من اول وتكوني زبونه دايمه فيه بما ان هو كذلك
المتشاركين حياتهم يتبادلون مهامهم الشيء اللي يهتم فيه انتي تهتمين فيه والعكس صحيح

كبتي نفسك طبخ ونفعه وغضيه وبيت وبنهايه يقولك اسمني
بكره لايجي العصر الا انتي في النادي اختاري عكس وقته عشان ولدكم الجميل يبقى عنده فترت تواجدك في النادي
شهر بالكثير لقد قلك جسمك جميل

هو مفتقد لاحد يشاركه نفس مهام يكون حديثكم نظام عذائي وفكر رياضي

تقبلي ردي وعبق وردي مع خالص احترامي لسموك
آسيرة حرف