يا هيه خفف من ..... احزانك
ما عاد يا هيه .......... تعنيني
من عقب ما كنت ...... فتانك
اشوفك اليوم .......... تفتيني
كتبت انا القاف ....... باوزانك
خالفت بوزن ....... الدواويني
وكسرت بيوتي ....... بميزانك
كله على شان .......... تغليني
وعفت الصبايا على .... شانك
لو دينهن يرهم ......... لديني
واليوم عفتك ........ وعنوانك
وكرهتني ........... بالعناويني
عفتك ودارك ......... وسكانك
خلاص لا عاد ......... تطريني
وش عاد لو زان ...... فستانك
وتلمع خدودك مع ..... العيني
وشرعت لي كل ........ بيبانك
وحطيت اكفوفك على يديني
وحظنتني بدافي .... احظانك
وضميتني بين ........ نهديني
ومديت الشفة مع .... السانك
ما عاد يا هيه ......... تغريني
دام الخيانة ........... بميدانك
وكثرت ديون ....... الدياييني
واثبت التهمة ........ وبرهانك
قلبك تلاعب .......... بقلبيني
هذا جوابي ............ لبهتانك
بديته طاروقي ....... هجيني
القارظ العنزي