_
وصيت قلبي عليك وفكري وظني
ان غبت عنهم عليك عتابهم هادي
ماودي تجرح شعورك كلمة مني
وانت حياتي وعمري ومهجة فوادي
ودي تعيش العمر راضي ومتهني
مرفوع راسك عليك العز متبادي
ياتاج راسي وانت مني وعني
تامر وتنهي وأمرك أول البادي
ياشوق روحي وقلبي وقطعة مني
عتابك ألطف من النسمة على فوادي
مايجرح القلب إلا غيبتك عني
ولا عتابك يشابه طبعك الهادي
أنا أهتني يوم أشوفك انت متهني
وأشوف نور الهنا في طلتك بادي
مايختلف فيك ظني ياحسن ظني
دايم وفي معي ياوردة بلادي
. . !