منتديات مسك الغلا | al2la.com - عرض مشاركة واحدة

**رجل ع سطح القمر** · 08-04-18, 12:36 PM


	المشاركة الأصلية كتبت بواسطة آسيرة حرف


	الفاضل / رجل ع سطح القمر هلا فيك طال عمرك بلعكس الموضوع ليس عادي ويعتمد ع صاحبه عندك في قسم النقاش مواضيع مو عاديه في البدايه وبعد متابعت او تغيب اصحابها وربك اقل اقل من عاديه هي اقرب ان تكون للماره من ان تكون لصاحبها لا اثراء ولامثير يحفز الموضوع في غياب صاحب الدار كأنك تخاطب جدران بيته لاغير نرجع لموضوعك اطلعت الان ع الردود بالاضافه الى تعقيبك عليها والله احسني في سفينه وللحين ماوصلت للميناء والله طبيعي هذا الموقف تعرضت له ومن المستحيل ان ما احد تعرض له تحوك في النفس مالاتتنفسه بعقلك بعض المواقف غريبه وليس الوقوف هنا لكن الغريب في الحقيقه ردات الفعل - ابتسامه من الاذن للاذن والله عن نفسي يعتمد الموقف حسب نفسيتي عندي فقط احتمالين ملمه بهم وسبق تعرضت لهم الى الان -الحاله الاولى راح اشك ان نقابي مفتوح ناسيتوو يعني لان الابتسامه الطويله والتحديق مريب بالنسبه لي وبيخليني اشك في شيء غريب فيني لانها مو ابتسامه وخلاص انتهت واذا في مكان فيه بنات بس اكيد بعيين في مرايه واشوف هل في شيء اذا مافي شيء وقتها بنحدد موقفي موقف بذكره وحده من صديقاتي جيت عليها فاتحه النقاب وعادي واقفه وقفت وحده ماكنها مسويه شيء متحجبه كامل ونقابها مرفوع ع راسها جيت باستغراب وقفت حدها وقلت لها ليه فاتحه النقاب قالت لي كاذبه ع بالها امزح وفعلا منسجمه وفتحته وماحست اصلا صرخت وغطت وجهها وقالت وانا اقول ذاك الرجال يعين لي ماوقف ضحك احسبه يغازل او يبي يلفت نظري ليته اشر لها وقالها تغطي بدل الضحكه الطويله للامانه رصخ الموقف بعقلي صرت اذا تعرضت لابتسامه مطوله اتحسس وجهي >> واضح تعقدت بالاضافه ممكن لا ارادياً اعين وراي يمكن في شخص يعين له مو انا ومجرد انا معترضه المكان واذا اموري تمام بغير مكاني اذا ماقدرة اشغل نفسي بشيء لانه من الطبيعي انفجر ضحك بيني وبين نفسي ع سذاجة شكله - في الحاله الثانيه اذا انا ملطمه يعني نفسيتي ابو ريال وجالسه في مكان وصادفت مهرج بذا الشكل بعين له هاكا 😒 الحمد لله والشكر اعوذ بالله محد فاضي قدك رايق بالمره انت ووجهك لاني في موقف معدوم الروقان والعقلانيه مسيطره عليه النفسيه ومتنرفزه لامر ما يعيق تفكيري المتزن قد تكون ردتي بين تعالي وكبرياء وشوفة حال وغطرسه ونرفزه ويبين عليه من عيوني وبقول في نفسي ثقيل دم اعوذ بالله بليك بعدم لاني مستحيل اغير مكاني صراحه في الحياه ونظرات الاستغراب من الاخرين اجد اني اعيش في جهاد اخلاقي وفكري يخبط بي احياناً في الموقف الاول تراودني احسني الظن يمكن في شي وضحكه المستمر دليل ذلك او يمكن احد وراك والابتسامه الملازمه له موب لك بينما في الحقيقه بيكون لاذا ولاذا وذا اللي بيخليني اضحك ع نفسي ويخليني مافكر هو وش بيقول عني كيف اسكت نفسي وانسى وجهه لذلك انا نادر اذا عينت في الناس وكمان ما اركز فيهم ابداً رحم الله امرئ عرف قدر نفسه ممكن اخش في تفسير لوشو تضحكين او وش صار وراح تسبقني لساني وتجاوب بكل اختصار لاني اذا ضحكت تتعطل مهام التفكير عن اجابه مختلفه تخفي الحقيقه مواقف تافهه تخليني اضحك اسبوع كل ما اتذكرها واحسب وانا انساها والله ردات الناس نوعين مابين مضحكه وعجيبه تستغرب وقوعها تصيبني بالدهشه بينما انا مندهشه خلقه للحياه وماتحتوي الحدود في كل شيء حتى النظر مو حلوه التناحه تدخلك في متاهه والله غريبين اللي يتنحو كذا يتورط غيرهم بسببهم ويستاهلو اللي يجيهم لو كان للرده فعل مايصير نتنح في احد او نسرح او نضحك بشكل مستمر تفقد الهيبه هذه الاشياء الثقل اجمل ويليق بالبشريه الاتزان مطلب اللطافه معديه والذوق الابتسامه العابر مع غض الطرف بعدها مباشره ملفته وتجذب تبين هيبه وذوق في الشخص تبين احترام الشخص لنفسه قبل الاخرين طبيعي تستلطف الشخص ذا وتعين له من فتره لثانيه وكأنك تترقب صدور شيء منه يعديك لقائات مؤقته قادره ع ترقيتك صحيح كلامك المتابعيين لقسم النقاش بيستدرجهم المواضيع بدون دعوات ولا اخفيك قسم النقاش من اهم الاقسام عندي وتسجيلي في هذا المنتدا بسببه بتلقى تواجدي فيه وفي اغلب مواضيعه حتى لو اصحابها موتى غير محبين للنقاش حتى لو كان بعض اصحاب المواضيع مايستلطفون ردي انا مستلطفه المكان وبقوه وماخذه راحتي فيه للاخر تبي الحقيقه الناس مريبون يفعلون شيء وثم ينكرون مانكتبه ومانتلفظ به يختلف عن مانفعله الموقف هو مقياس يحدد الحقيقه التي بها يتصرفون مايفعله الاخر وماينتج عن تصرفك مرتبط ببعضه اعيننا قد تحمل رساله داخليه وملامحنا تعبر عنها فان احسنا الارسال كانت نتيجة الاستقبال رائعه - تحديقه فيك قد يكون تحقير منك اليه خصوصاً ان كان لاشيء يستحق التحديق ماينتج عنا باختصار يتيه الاخرين فماذا ننتظر من ذلك ولماذا قريبه من عنوانك نفعل ذلك تقبل ردي من جديد مع خالص احترامي لسموك آسيرة حرف

اهلا اخت/ اسيرة حرف
.. واهلا بجميل عودتك المثرية والغنية بالحوار والنقاش

امتعني .. وثقفني، ..
حوارك حول الـ"لماذا؟" .. وردت الفعل تجاه تلكم النظرة والابتسامة
سواء من صدق واخلاص اجتهادك في التحليل،
او من كريم مشاركتك لنا بتجاربك وملاحظاتك الشخصية في الحياة

ولعلي اؤكد دقة وموأمة طرحك فيما شاركتـِنا فيه،
من واقع - اكاد اقول – ..
معايشتنا، ومرورنا جميعا بتلك المواقف والاحداث اللي حدثتنا عنها

وعلى ان كل مشاركتك اعجبتني، اعجبني اكثر فيها فقرتين
الاولى، الموقف الاخير ضمن المواقف اللي استعرضتيها .. (وساتحدث عنه)
والثانية، فقرتك الاخيرة اللي ختمت بها مشاركتك ..
وجاءت كمحصلة مختصرة وشاملة لطرحك ورسالتك
.. (وقد اقتبست الفقرتين اعلاه باللون الاحمر)

اعجبتني الفقرة الاخيرة من المواقف اللي شاركتنا فيها
لان تؤكد امرين :

- ان هناك ردة فعل قبول واستحسان منا ..
تجاه موقف من شخص غريب، ابدى بطريقة او باخرى،
اعجاب بنا باسلوب لا اخلال فيه بكيان احترامنا وتقديرنا

- الامر الثاني،
ان من، ان شئتي .. قولي "ارتياحنا" – وانا اقول .. "احتياجنا"، ..
للشعور "المعناوي ايجابيا" في تصرف/ نظرة .. ذلك الشخص الغريب حين لقيناه،
حينها، وارد جدا ان نبحث عنه – ذلك الشعور - .. ونتطلع تحفذا لتكراره

اخت "اسيرة"،
شكري، وتقديري، وامتناني لك .. ولجميل حضورك
واكثر من ذلك، على حرصك على الموضوع .. وانجاح النقاش فيه

.. ، والغياب .. وتاخر التعقيب على المشاركات
امر .. حكمته بحبوحة ووفرة الوقت لامكانية دخول عموم المنتدى
، وعلى ان في جميع الاحوال .. اعتذاري لك .. والجميع