مرحَى ياجميلين من زمان مانزلت موضوع , وقلت اجيكم هالمرّه بحلا السينمون حلا سهل ولذيذ , ويصلح للي ماعندهم سكّر لان هم السكّر ومايصلح سكّر يأكل من السكّر ( بديت اتفلسف ) هههههه جربوه بتدعون لي , والمقادير اتوقع مو جديده اشياء متوفره غالبآ بالبيوت على العموم ماودي اكثّر مقدمات , المقادير : - كرتون كيك باندور - بيالة سينمون - بيالة سكّر - بيالة ماء - نص بيالة زيت - بيضه - نص علبة نستله كبيره - 6 حبات جبن كيري للتجميل : - هيرشي - توفي -مكسرات الطريقه : - كرتون كيك باندور افك قراطيسه طبعآ ( لاتصيرون مثل اختي تقول اشيل القرطاسه والالا ؟ : P - تخلطين في الخلاّط ( بيالة سينمون + بيالة سكّر + بيالة ماء + نص بيالة زيت + بيضه ) تحطينه في زبديه وتغمسين الكب كيك الصغار فيه وتخلينه يتشرّب ثم تصفينه في الصينيه افضل صينيه حقت التيشز كيك رصيهم جمب بعض كنهم خلية نحل ( بس للأمانه انا ماحطيتها بهالصينيه ) - بعدها تخلطين في الخلاّط ( نص علبة نستله كبير + 6 حبات جبنة كيِري ) اذا خلطتيها صبّيها فوق الكيك -( ودقي مكسرات وحطيها عالكيك حسب رغبتك ) ثم ندخله الفرن تولعينه من فوق ونخليه عشر دقايق إلين يتماسك شوي وتحسين ان الجبنه انتفخت من الكيكه ونطلعه ونحط فوقه هيرشي وان حبيتي شوي توفي زي الخطوط