06-19-12, 10:39 PM
|
#1 |
| | 
استرجلي يابنت مابه رجاجيل
استرجلي يابنت مابه رجاجيل
بعض المجالس ماتضــم الرجاجيــــل
تضم صدقان الرخـــا والحثـــــــــــــاله
فيها يدور الكاس لاعسعــس الليـــــل
ومافيهم اللي ينتمــي للاصــــــــاله
والمجــلس اللي فــاح بنه مع الهيــــل
يبكي على رجـال الشيم والشكــاله
روّح زمـان اهـل اللحـــى والفناجيـل
وياكثر من يحسب يمينه شمــــــاله
ماعـــاد بــه الا الكـــدش والمهـــابيل
ماعاد بــه ناس(ن) عليهـم تكــــــاله
استرجلي يـابنــت مابه رجـآجيل
هذا الزمن حنــا غديــنــا عــيــــــــاله
استرجلي جعل العـوض فالمقــابـــيل
وكلن على ماقيــــــل عـقــله حـــلاله
استرجلي يا ام العيون المظــــالــــيل
بعض الرجال اليوم يابنت عــــــــــــاله
السالـفــه ماهــي تـشـبـّه وتطــبـيـــل
السالفـــه حمــــله وضـــد السفـــاله
وماهي حشــــا للـه يانـاس تقـليــل
لكنهــــــا لـلــي مضيـــــــع عـقـــاله
بعض الرجــــال اليوم يحتاج تحليـل
ترى الرجوله اعتمـــــد واستقــــــاله
استرجلن يالابسات الخلاخــيـــل
والقصد واضح والمعـــــــاني رساله |
|
|
|
|