وعليكم السلام ورحمة الله وبركاته
اشكرك اخوي صعفق على هالموضوع

مارايك بالرجل اللذي ينقص من قيمة المراه لكونها مراه فقط ..؟

1- هذا لايطلق عليه رجلاً لو كان رجل لما اهان المرأة التي خلقت من ضلعه هو مجرد ذكر
2- من وجهة نظري اشوفه انسان وصخ واوصخ شي موجود على الكرة الارضية

وماهي الاسباب اللتي تمحورت في راسه جعله للفقع الي خلته يوصل للمرحله هذي في الانتقاص من قيمتها؟

1- المجتمع وبقايا اثر الجاهله العالقه بأذهانهم اللي يبتدي يرفع بالذكور لسابع سماء على كل شي يسويه اما المرأة حتى لو سوت اضعاف اللي سواه الذكر ماحد طل بوججها
والحشو اللي يحشونه براسه بكلام فارغ خصوصا لو غلط الولد( الرجال شايل عيبه) البنت ( عار وشوهة سمعتهم) وماينسون غلطتها حتى لو كانت تافهه جداً

2- ضعف الوازع الديني تلقاه مو حافظ من القران. الا ( الرِّجَالُ قَوَّامُونَ عَلَى النِّسَاءِ) بدون مايكمل باقي الاية ويفهم معناها (الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَىٰ بَعْضٍ وَبِمَا أَنفَقُوا مِنْ أَمْوَالِهِمْ ۚ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللَّهُ ۚ وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ ۖ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا ۗ إِنَّ اللَّهَ كَانَ عَلِيًّا كَبِيرًا) انه قوام بما يتميز به من قوه وحسن تدبير وتفكير عقلاني والقيام على الشيء برعاية وحماية وإصلاح مو بإهانه وذل
ونسى ان الله ورسوله وصاه على النساء بانه مايعاملها معامله وحشة او ياكل حقها (اسْتَوْصُوا بِالنِّسَاءِ خيراً)

3- ممكن من احد الاسباب هي تربيته في المنزل :- ممكن تربى في بيئة تهين وتذل المراة فجعلت منه نسخه مستنسخه منهم او تربى على التفرقه بين البنت والولد لذلك رسخت الفكرة بعقله

4- من الممكن يكون تأثير اصحاب سوء في بعض الاصحاب اذا شافو رجال حنون على اهله يبتدون ينخرون مثل السوس ويرمون عليه ابشع الكلام مثلاً ( تقووم من هنا عشان اختك او زوجتك اتصلت تبي منك حاجه انت مو رجال انت خروف انت وانت وانت) هنا بهاللحظة يبي يثبت لهم انه هو رجال و و و لين يصبح ذكر >>موقف تافهه مثل هالموقف يخليه يسوي اشياء اكبر من كذا

واخيراً اقول لكل ذكر يهين الانثى :-
المرأة هذي امك- اختك - زوجتك- بنتك
المرأة هذي هي اللي ولدتك وربتك وكبرتك وخلتك رجال توقف عند الرجاجيل
المرأة هذي هي اللي شالتك 9شهور ببطنها واخذت من دمها ومن عظمها ومن روحها
المرأة هذي هي اللي بكرة لما ينخط لك شنب بتتزوجها وبتجيب لك اطفال يشيلون اسمك

اتقِ الله فيهم بتتحاسب يوم القيامة عليهم
( لا يكرمهم الا كريم ولا يهينهم الا لئيم)


تقبل مروري وردي المتواضع وحرة قلبي من هالموضوع