أنـا وفـرحـةٍ ما تـمـت بـهـا الـحـظ الـردي مـقــرون ::::
فـرحـنـا ساعـتـيـن ثم عـاد عـقـب الـفـرح حـزني
الحـزن يـلـحـقـني كـنه هـو الـديـان وأنـا الـمـديـون ::::
أو كـنـي لـلـحـزن ثــوب متى ما أراد يـلـبــسـنـي
عـقـب ذاك الـفـراق الـلي هـلـت بـأسـبـابـه عــيـون ::::
أســتـنـكـــر أفـعــالـه ولا أدري وش جــاه مــنـي
يـشـهـد الله إنـه فـقــيـده وإن الـقــلـب بـه مـفــتــون ::::
أشــوف الـمـوت بـفـراقـه وهــو مـانـشـد عـنـي
أمـشي مع الأقـدار وأضـحـك مع اللي يـضـحــكـون ::::
الـدنـيا غـيـر مـن دونـه ولا أحـدٍ غـيـره فـهـمني
لـو الـسـهـر والـدمع والهـم موزع ٍ بـيـنـنا مـوزون ::::
كـان مايـطـري عـلى باله إنـه في يـوم يـتـركـني
طالـت الفـرقى عـلي وصـرت بـعــيـشـتـي مـحــزون ::::
وبـيـن الأحـزان جـتـني رساله قـصدها تمـتحـني
يـعـتـذر لـي عـن غـيـبـتـه مـرسـوله من المضـنـون ::::
هـلت دموع العـيـن يوم الحـبـيـب حـس وذكرني
أرسـلـت لـه إيـه يـاخـلي ماتـخـيـب فـيـك الـضـنــون ::::
أنـت الحـبـيـب الـلي أخـبـره أنـت اللي لي تحـني
فـرحـت سـاعـتـيـن وقـامـوا كـل ربـعـي لي يـهـنـون ::::
وجـت رسـالـه وبـيـن الـلي يـبـارك واللي يهـني
قـريـتـهـا وبـفـرحـتي صرت بـمـضـمـونـهـا مـغـبـون ::::
مـعـنـاهـا تــرى رسـالـتـي بـالـخـطـا جـتـك مـني
طـيـب إسـكـت وخـلـني بـفـرحـتي وخـلهـم يـفرحـون ::::
يـعـني لازم حـتى في البـعـد عـني تـبي تـقـهـرني
تـبـي في أقـصى الحـشـا لك بـدال الـطـعـنه طـعــون ::::
مايـرتاح قـلـبـك لـين في بـسـرة الـقـلب تـطـعـني
مـن عـقـب ماكـنـت أعـشـقــك وأنـت بتي مـجـنــون ::::
صـرت الـيـوم تـعـاف حـتى اللي بالخـير يـذكرني
قـال الله: وماخـلـقـت الـجـن والإنـس إلا لـيـعـبـدون ::::
وأنـت تحـسـب الله خـالـقــك لأجـل إنـك تـعـذبـني
الـوفـا يـامـن غـدرنـي مايـجـازى بـأفـعـال مـلـعــون ::::
وإلا الـغـدر عـلى راعـيه هـيـن ودربه مـايـعـني
الـغـريـبـه مـاجـاك مـني جــروح والـنـاس يــــدرون ::::
ماتـوقـعـت ولا بالأحلام إنك إلى هالحد تكرهـني
أنـا ماكـتـبـت الشـعـر أبي الـنـاس لـلـشـعـر يـقـرون ::::
ولا كـتـبـت الـشـعـر أدور لـشـعـري مـن يــغـني
أنـا كـتـبـتـه مـن حِـر ما ألـقـاه فـي داخـل الـمكـنـون ::::
مـشـاعـر في أقـصـى الروح ياكـثـر ماتِـمتحـنـي