اليوم من اسوء الايام اللي مرت على ..
ماكنت اتوقع انه في ناس بهالخبث وبهالتفكير
يعني يوم من بدايته كان جميل الى ان صار
هالموقف اللي قهرني وقلب اليوم من جميل
الى يوم سيئ ..
الى تقريبا صلاة العشا واحنا عال العال والوقت
كان جميل وروقان ...
جاء ولد عمي وطلب اني اطلع معاه ع البحر
ترددت كثير لأني يوم الجمعة احب اقضيه
مع اهلي في البيت لان بتجتمع العائلة الكريمة كلها
اخواني وخواتي المتزوجين والمتزوجات..
مع اطفالهم فتكون الجمعة جميلة للعائلة كلها..
المهم طلعت مع ولد عمي ورحنا ع البحر الجو
حلو في نسمة هواء باردة ..
شباب وصبايا وكبار في السن اللي جالسين واللي بيمشوا
واللي بيلعبوا ...
اخذنا جنب انا وولد عمي وجلسنا طبعا المتعة
انك تجلس تراقب الناس تصرفاتهم هذا
رايح وهذا جاي هناك سيدة معها ايباد ومشغلة
اغاني مصرية ..
وعائلة مجتمعة يشوا دجاج الريحة جميلة وشهية
والهواء جاي من عندهم ومار علينا بالرويح الطيبة..
مجموعة صبايا جالسين ع جوالتهم ...
بالاصح معظم المتواجدين ماسكين جوالتهم رغم
ان لمة العيلة وجلسة البحر مع الشاي والقهوة ماتحلى
الا بالسوالف والوناسة ..
ولد عمي قام وقلي رايح اجيب قهوة من ستار بوكس
يمكن على بعد 5 دقايق قلت له تمام وطلبت
لاتيه ..
راح ولد عمي وانا جلست على الواتس اسولف ..
بعد قليل جات سيدة واضح انها كبيرة في العمر
وطلبت انها تتصل من جوالي...
لان جوالها قفل ومافيه شحن وتبغي تتصل
على السواق ضروري
واخوكم في الله ماكذب خبر..
اعطيتها الجوال بحسن نية .. اخذت الجوال طبعا شاحن نت
وكمان في رصيد طيب ...
وسمعتها تقول لواحد وينك انت ؟
وبدت سمفونية تهزيئ وشتيمة واسمعها توصف المكان
وجالسة تتحرك وتمشي وانا على نياتي منتظر تخلص
وترجع الجوال وفجأة اختفت هي والجوال
والله مافي ثواني بس لفيت ورجعت مالقيتها ولا لقيت
جوالي قمت ادورها للاسف السيدات كثير وهي
كانها ابرة اختفت في كومة قش ..
جا ولد عمي وفهمت اللي صار .. اتصل ع جوالي
لقيه للاسف مغلق .. والله كل ذا صار في 5 الى 10 دقايق..
وان السيدة اختفت ولا لها أثر ..
اللي قاهرني ان الجوال عليه اشياء مهمة جدا
ملفات وصور مسويها ومسجل كلام لاخوي
عشان اءا وقعت بمشكلة اوصار شي..
وصور وعبارات خاصة فيني .. والله لوكانت
تبغى ثمن الجوال مضاعف كان عطيتها او شريت
لها جوال بس ماتاخذ جوالي ...
متضايق جدا ومقهور مو ع الجوال على اللي في الجوال
خيراً تفعل شراً تلقى ...