.. كلام طالع من قلبي ..


امس "الاربعاء"

كآن آخر يوم لي دوآم ..
عندي اجازة شششَهر ...



اليوم قبل نهاية الدوآم ..

رحت أسلم و أودع زملائي و زميلاتي وحتى الممرضات و الممرضين ..

تقريبا حنا بالقسسم ١٩ شخص ..



جيت اسلم عليهم اودعهم ..

ما شفت اي ردة فعل منهم ..

قلت بلمح لهم انهم لازم يقولون لي راح نفقدك ..

سلمت على زميلتي و قلت لها ادري راح تفقديني ..:65:
اضحكت وسلكت لي ..



هنآ انا انقهرت ، :6ت7:

لهالدرجة يبون الفكه مني ..
قعدت اوسوس ليش كذا كلهم ..
ما اذكر بَ يوم غلطت على احد منهم ..

او انا فعلا غثيث ..
وانا دآيم اجي الصباح وابث روح الحماس و النشاط فيهم ..
اللي اشوفه زعلان ولا متضايق ..

اروح له اقوله شفيك محلو اليوم

ولا اذا كانت سمينه اقولها تراك نحفانه وش مسوية ..
بس مَ توقعت ردة فعلهم زي كذا ابد ..

انتهى وقت الدوام وبطلع للبيت ..

طلعت بدون ولا كلمه ساكت ..
ولا سلمت على اي وآحد من الشفت الثاني ..

رحت بصمت ودقيت الكرت ..

ومتضايق من ردة فعلهم البارده ..

وبروح للسيارة ..

دق علي السوبر فايزر ..
قالي وينك ؟ قلت له رايح للبيت ..

قالي تعال ضروري في غرفة الاجتماعات ..

قلت سم طال عمرك جايك ..
وانا قاعد اتسحب في سيب المستشفى ..
امشي شوي شوي لين وصلت فتحت الباب وكلي ضيقه ..

الا اشوفهم كلهم قدامي في القاعه ..

وكييك و رغوة بخاخات الثلج ..

عمو عيوني ..


كآن ودي اصور الكيكه بس مشاعري كآنت منهارة منهم ..

مكتوب فيها , come back safe واسمي كبر راسي ..

* الترجمه عد سالما ..



الكلمه اللي قلتها لهم :- لع* الله آبوكممم .. ضيقتو صدري ببرودتكم ..والله كرهت نفسي ..

وخانتني عيوني ودمعت ..





هنآ عرفت المعنى الحقيقي ..

لمحبة النآس لك ..

كون الناس تحبك وتبيك تكون أسعد مخلوق بَ العالم ..

حسبت كآنو يكرهوني ..

حسيت الدنيا ضيقه علي ..



اليوم أكتشفت لي أخوان و خوآت أمي ما جابتهم ..

عسَى ربي يسعدهم و يوفقهم مثل ما اسعدوني اليوم ..



بَ القلب والله ب القلب ..