هههههههه تخوف العصا بعد
الله يحفظ أمهاتنا ..

الدمى كنت أحبهم كثير ، لكن ما احتفظت بأي دمية أو لعبة للآن
خلاص كبرت و تبريت منهم ههههه

و على طاري الدمى ذكرتيني بسالفة شينة هههههه
عملت سالفة طوية عريضة عشان دمية ههههههه

ياااا صبر أمي و أبوي علي و الله !

هذا يا عمري كنا في المدينة المنورة ( أحس كل المواقف الشينة في المدينة مدري ليش استغفر الله )

المهم كنا طالعين من الحرم في الليل و نمشي راجعين للسكن
و نمر بمحل يبيع ألعاب ، و عارض دمى حلوين جداً أغرمت فيهم هههههه

كانت طفلة و عليها قبعة و فستان طفولي من الصوف
في الدمية الشقرا اللي لابسة ازرق ، و اللي لابسة احمر و اللي لابسة أصفر

عاد أنا أغرمت في اللي لابسة أصفر

قعدت أقول من هبالتي ههههه أبغى ليمون

أبوي ما انتبه للدمى و لا فهم علي ، يفكرني ابغى عصير ليمون
و يمشي مكمل طريقه و يقول لي الحين اشتري لك ليمون

بعدنا عن المحل ، و صرت أصيح و أقول أبغى ليموووون هههههه
راح أبوي و جاب لي عصير ليمون

قعد أصيح بزيادة و أقول له لا ما أبي عصير .. أبي ليموووون

و المسكين أبوي الله يحفظه يروح يشتري لي ليمون طازج ههههه
مو فاهم وش هالليمون هذا ههههه

و أرمي الليمون عالأرض و أبكي بزيادة و أنا أصارخ أبي ليموووون

أذكر إن أبوي مسكين تعب معي يبي يسكتني و يبي يراضيني بأي وسيلة و أنا ما من طب
كنت دلع و ما دري كيف تحملني الوالد الله يحفظه ، اكره نفسي في هالموقف حقيقة

المهم بعد تعب صرت ءأشر بإيدي لبعيد و أقول أبي ليمونه

مدري من استوعب أخيراً هههه إني أقصد الدمية الليمونية
اللي لابسة اصفر خخخخخخ

و يرجعون بي للمحل و افرح ههههه و يشتري لي أبوي الدمية أخيراً



و هذي قصة من قصص تعلقي بالدمى 😝