منتديات مسك الغلا | al2la.com - عرض مشاركة واحدة

**ام سارونا** · 10-09-18, 12:46 PM

المشاركة الأصلية كتبت بواسطة بنت عدنان

لماذا يبحث المتزوجين من الجنسين عن الحب خارج أسوار المنزل ؟

لان هناك نقص في خلل في شي مختل توازنه
اما يكون الزوج مقصر عاطفياً -كلامياً -فعلياً -من اي جانب من جوانب حياتهم لزوجته
والعكس ايضاً
وفي بعضهم بصراحه ( عيونه او عيونها زايغه) وذيلي مايدورون حب

ظاهرة ملاحظة ف الواقع ، وخاصة عند الرجال؟
هل الزواج التقليدي سبب ف ذلك ؟

الزواج التقليدي ماله علاقه بهالشي ابداً لو كان الزواج التقليدي سبب كان ما استمرت زواجات كثيييره
وما كان في انفصال بزواجات عن حب كثيييره
الاهم يكون في اكتفاء كل شخص بالشخص اللي قدامه وتفاهم

+ ايضاً انا اشوف من وجهة نظري طبعاً ان كثير من الازواج مايتكلمون مع بعض بالاشياء اللي اللي يبونها من بعض
بادق التفاصيل وهذا سبب ان يكون كل شخص متوقع من الشخص الثاني شي مع ان الشخص الثاني اصلن مو عارف ان هذا يبي هالشي
بعطيك مثال خارج اشوي عن الموضوع عشان اسهل لي بالشرح ( مثلاً الزوجه تحب الهديه بشكل معين وربطة الشريطه بشكل معين لما يجي الزوج يجيب لها هالهديه هي تضايق انا ماكنت متوقعه ان بيجيبها بهالشكل هو مايعرف انا شنو انا احب!!! واصلن تلقين الزوج مايدري هو شلون تبي الهديه وشلون تحب وكذا!!!)
السبب بالاخير انهم ماتكلمو بأدق التفاصيل اللي هم يحبونها في بعض حتى لو كانت هالاشياء من وجهة نظرهم سخيفه
لو كل اثنين تكلموا مع بعض بكل شي يحبوا يشوفوه بالطرف الثاني بادق التفاصيل ماكان وصلوا لمرحلة يدورون حب من الخارج

ف الزواج الاقليدي ماله علاقه السبب من عدم كلام الطرفين واشباع الطرفين بعضهم بالحب الكافي من جميع جوانب الحب بالطريقه الصحيحه والسليمه

انا اعتبرها ظاهرة لدرجة انه كثير من النساء المتزوجات من حولي
عندها علم بذلك وتقول ( كل الرجال كذا)

اسلوب التعميم خاطئ جداً لان ( اذا خُليت خُربت ) ( اصابع ايدك مو مثل بعض)
بالعاده نسمعها وتلقين هالانسانه صار لها موقف مثلاً من زوجها او سمعت صديقتها تقول لها
فعممت اذا زوجك كذا مو كل الرجال مثله
وفي نقطه بعد( الحريم ماينشرون الا السيئات لان تكون من غيض احياناً + ممكن يكون البلاء فيها +واحيانا زياده بهارات ) وبعضهم يحطون برجالهم اشياء مو فيهم تخاف احد يسرقه
بالمقابل في نساااء كثير يسوون هالشي

الا تعتبر هذة خيانة زوجية اقل شئ ف المشاعر ؟

خيانة وخيانة لما تنجرف المشاعر داخلياً للشخص غير الزوج
بس لازم نفرق بين الزماله والصداقه

أسئلة كثيرة تُحيرني ف هذا الموضوع ؟

يعطيك العافية ياسمينه
تقبلي تحياتي ومروري

ربي يعافيك زوزو