_
.
.

بـ العراقي :
من احساس هيفاء بنت النجف الأشرف :
________

و تكَلي بقلاوة حلا
بقلاوة و بنص الدرب ..
خليتني بلايا قلب ..
ما عندي لا حب و محب ..
هسه شتريد اكَول لعيونك ؟ و اقول
و عيوني من كد الدمع ذبّت سيول
آني حلوه هواي بس مالي بَخَت
كون حلمي ويْاك يجمعنا التخت
و اصير في بيتك مره
و نحلم حبيبي شما نريد
ما يوم نرجع لي ورى ..
و ابوسك بكَد الحياة
بوسات من جنة و عطر !
و اغفى على صدر الدفو ..
و اسمّعك احلا شعر
و الكَى بحضنك سالفه ..
عيني شكو ؟ و عيونك احلا سالفه
مو حالفه .. ما كَتلك اني حالفه ؟
ما كُوم من حضنك أبد ..
و كل ما تصحيني
أكَلّك : لا بعد .. .
تعرف .. .
تعرف شكَالوا عليك ..
وداعتك ظل ينطوا بيك
كَالوا بعتني للشماته و الظنون
و عليه ضحكت العيون
انتا ما مستاهل احزن لك و انوح
لا والله ما مستاهل احزن لك و انوح
ياهو حزن .. ياهي جروح
ياهي سوالف من دموعي غافيه ..
رجع لي نفسي .. لا خلاص !
رجع لي بس العافية
ما عاد لي واهس و اعيش
متانيه احساسك يحَس ..
على أمل باجر تحن ؟
مليون باجر صار : أمِس