يَ هلا ومسسسهلا ،

بزوار مدونتي المتواضعه ..

..





بقولكم قصة انشغالي هالفترة الاخيرة ..



- سبب عودتنا للرياض يوم كنا بَ مكه ..!

كان اختي عنود تخرجت رسميا وخلصت سنة الامتياز "ممرضة مساعدة جراح" ..

اتصلو قالو " تعالي خذي وثيقتك التخرج " ..
وعلى طول رجعنا ..

كان يصادف يوم الاربعاء ..

والخميس اخذنا الوثيقه ..





الشيء الثاني :-



يوم الاحد رحت ابي اطلع جواز لأمي ..

رحت لجوازات الرياض ، قالولي سؤال صدم عيشتي ..

انت ليش تطلع لأمك جواز .. اثبت انها أمك !!!!!
قلت له اجيب لك شهادة الميلاد ؟؟
مكتوب اسمي وسجل المدني حقي و اسم امي

قالي مو معترف فيها ..

قلت يعني وش اسوي ..

قال جيب صك إعاله من المحكمه ..



طيب واروح للمحكمه الاحوال الشخصية بَ الرياض ..!

قالولي جيب لنا اربع شهود ،

اثنين يشهدون انها أمك واثنين يزكونهم
* الشهود يكونون من أهل آمي بعد !!!

وشهادة الميلاد طيب ؟؟؟؟

ما هو اثبات انها امي ولا شنو ..



اهل امي اغلبهم بَ الشرقية و الحفر الباطن و الكويت ...
بنفس اليوم مشيت للشرقية ..
علشان خوالي يشهدون ..



رحت المحكمه الاحوال الشخصية الاثنين ..
قالي ما نطلعها لك لييييش طيب ؟
انت مو أكبر عيال أمك ..

يعني لازم اخوي الكبير ..

اخوي الكبير بَ الرياض ..

قالي هذا النظام ..



طلعت وانا منقهر منهم ..

واروح للجوازات الدمام ..

واقوله السالفه كآمله ..

قالي خلاص ما يحتاج صك اعاله جب وكاله من أمك ..

روح محكمه العدل الثانية بَ الدممام ..

واروح لهم اقولهم السالفه من الــA الى Z ...

يقولون لي انت مو أكبر عيالها ..

عصبت عليه وش يفرق اكبر عيالها ولا اصغرهم ..
المهم انا بالغ عاقل ..
ليش الا اكبر عيالها ..

قالي هذا النظام روح ادخل فوق عند الرئيس ..



وادخل على رئيس محكمة الدمام الثانية ..

واكلمه واقوله وافهمه ..

قالي ما نقدر لانه أمر من القايدة العليا ..



طلعت منه رحت لأمي في انتظار النسآء ..

قالت لي هذي وحدهـ جنبي تقولي ..
ما راح يطلعونها لك الا اذا قلتي شيء واحد ..
ان عيالي الكبار عاقين فيني وما يبوني ولا هم متحركين عشاني ..

ما عندي الا هالولد اللي يتحرك اللي هو أنا ..




***** لي عودهـ ****