** عوده **
قلت يما غلط لا ...

وين قاعدين ..؟!



^ ما عجبتني والله الكلمه ..



بس أمي قالتها لان خلاص معقدينها حييييل ..



وبعدها الحرمه اللي كانت جنب امي و امي وانا نادانا الشيخ "رئيس المحكمه"

وتكلمت اللي جنب أمي وقالت ان عيالها الكبار عاقين فيها ومن هالكلام وتبي وكاله لولدها ..

الشيخ تأثر بَ كلامها وقال خلاص راح نعطيك الوكاله ..



امي شافت الموقف وكانت بتتكلم انا مسكت يد امي قلت لها لااا ..

لا تقولينها ..


وقالي الشيخ انا كلمت مدير الجوازات وروح له قوله انا جاي من طرف الشيخ ..

قلت ل بارك الله فيييك ..
قبل لا نطلع الشيخ التفت على الحرمه وقالها ..
خلاص انا رفعت قضية على عيالك الآن بجريمة الـ الـ عقوق الوالدين ..

الحرمه مسيكينه انهبلت وقاعده تصيح لا لا والله مو عاقين فيني بس كذا و كذا و كذا ..

حنا طلعنا ولـــ بيت اختي " أم دحوم " ..



وحنا تونا راكبين السيارة ..
شفتي يما لو قايله نفس كلامها ..

كان وديتي عيالك ورى الشمس ..
ههههههههههههههههههه ..


ومن بكرى الثلاثاء ..

رحت للجوازات

داخل وبكل ثقه اسأل وين مدير الجوازات فلان ..

هناك مكتبه ..

واروح له ..
سلام عليكم يَ فلان ..

انا مرسلني الشيخ لك ..

قالي :- اي شيخ ؟!

حق المحكمه .. قال محد كلمني ولا شي ..

قلت له سم طال عمرك محد كلمك ..

اقوله الشيخ امس يقولي انه مكلمك ..
قالي توكل على الله بس ..



واطلع وقافله اخلاقي جدا ...
مو قادر اخلص شغله لها ثلاث ايام ..

واروح للموظف اللي كنت عنده امس ..

واشرح له مستجدات القضية ..

قالي خلاص جب صورة من احوال امك و احوالك انت وصور لأمك وعب النموذج

وسدد الرسوم ..

وعلى طول اطلع اقرب استيديو نسائي صورنا امي

وسددت امي تقولي ابيه خمس سنوات قلت يما ما فيه عشر سنوات ولا غيرها ..

وادفع 600 ريال لعشر سنوات ..
واعبي النموذج ..

واسلم الاوراق له وتوقيعي انا ولي أمي ..



اقوله بارك الله فيك بعد مره وحده التصريح بَ السفر ..

قالي ابشر ..



واخلص الامور كلها ..
قالي تعال بكرة الساعه ١٠ استلم جوازك وهذا النموذج تعبيه علشان التصريح ..





ورحت اليوم الساعه ١٠ استلمت جواز أمي آخيرا
وسويت التصريح ..

وعطيته حبة خشم وراس للموظف بارك الله فيه ..