منتديات مسك الغلا | al2la.com - عرض مشاركة واحدة

**ليان** · 07-04-12, 10:57 PM

المقادير

إلى متى يَ ضيقَة الخَاطرْ عَلى مَجرَى الوريدْ
ما عَاد باقي مِن دَمي قَطرَه مِهي مِستَوجعهْ !

أنا دِخيلكْ يَ وفَا قلْبي تسَافر بي بعيييدْ
طمُوحك الربّان و جروحكْ ب قَلبي الأمتعَهْ !

وَجه الزّمَن مَا عاد يَغري وانقفَل بَابْ البَريدْ
و إنته وفَاي اللّي لو أخدَع دنيتي مَا أخدَعهْ !

لا صَارت الدّنيا مصَالحْ وَ الوفَا كَم ف الرصيدْ !
انو السّفر يَم الأمَل و أفردْ جِميع الأشْرعَه

بَسْ البَلا لا صَارت أمْواج التَّعاسهْ مِن جَليدْ
و إنْ صَاح جَرحك مَا لقيتْ اللّي يِحن و يَسْمعهْ

من لا يقدّر خوتي فَ أبرك سَنه فرقَاه عيدْ
أمّا الرفيقْ الغَالي إليا غَاب خَذا قَلبي مَعهْ !

البَارحَه هَبتْ هَواجيسي فِ صَدري مِنْ جديدْ
سوالفٍ تَشرهْ عَلى قَلبي ب حلمٍ ضيّعَهْ

لاهنت يَ جَرح الزّمنْ حَقق مرادك مَا يريدْ
أهْديتْ للخَافق جرُوح و هو رفَعلكْ قبعهْ !

يَ ويلْ حَالي مِن شقَى اللّوعَه و يَ قَطع الوَريدْ
عَلى آخر جُروح الصّداقه و الطّعُون المُوجعَهْ

قَلبي مصَفّي نيته لَو كل مِن حُوله ضديدْ
يبقَى الجبَل مهمَا وطتهْ الريحْ مَا هِي تزعزعَهْ !

مِن طاحْ مِن عيني مَا عَاد يهمْ يَنقصْ أَو يزيدْ
اللي ينزلْ قَدرهْ ب نفسَه هُو اللي يرفعَهْ !

ريحت قَلبي مِن عَنا الدّنيا و أنَا اللّي مستفيدْ
مَا دامْ قَلبي ما لقى فِي الوَقت شيٍ يقنعَهْ !

إلا رفيقٍ يجبر الكَسر وعلى الشّده عَضيدْ
هَذا منَى قَلبي عَلى الدّنيا و هَذا مَطمَعَهْ

أَضحَك لَو إن الضّيقَهْ اللي فِي الحَنايا تستزيدْ
لينْ أقْهَر الضّيقَهْ و أخَليها تفَارق فَ السّعهْ !

لا خَانك الوَقتْ الرّدي و مَا للحَديد إلا الحَديدْ
اللّي شَراك أهدَه وفَا و اللّي خَذل عَهدك بعهْ

تَمشِي المقَاديرْ ب هَوى الراضِي و تلعَبْ ب العَنيدْ
صدْق اللّي قَال إنْ طَاعكْ الوَقت الرّدي و إلا طعَهْ !

العمر ب أيّامَه قطَار و راكبٍ سكّة حَديدْ
و تمرْ لَحظاتَه ما بينْ المحزِنَهْ وَ المُمتعَهْ

كِل الحَياه دروس والدنيا عِبر و المستفيدْ !!
اللي خَذا من [ جملةْ الدّنيا ] دروسٍ تنفعهْ