ما يبدع الشاعر بغير ........... المحبة
والا رثاء الغالين وردود ....... الافعال
لولا القصايد قلبي ما شاف ...... طبه
يعيش بجرح الحب والدمع .... همال
ياللي جربت القول هذا .......... وغبه
عجل تعال وهات من زين ... الاقوال
انا بلاية ورعة ................ مستحبة
ما شفتها بالبيض وزينات .... الازوال
اهدتني نار بالغلا ............... مشلهبة
نار تلظى واللهب مثل ........ الاجبال
يا ليته طفى النار في نصف .... حبة
والا يرسلها بالوسايط ....... والامثال
اللي خذا عقلي وقلبي............. ولبه
وعقلي سرح مع خطوته يوم . يختال
لولا الغلط والعبد في رجوى ...... ربه
لاقول قول فيه ما ظن ......... ينقال
لاوصفه وافصفصه واغترب ....... به
واشرح جماله يا عرب واشرح الحال
ابو عيون سود والخد ............ شبة
وارموشها لاسلهمت غطت..... الخال
خال يسابق صوتها في .......... منبه
كنه يحاكي حسنها وزين ..... الاقبال
قلب العنا روح ويتبع ............ مهبه
يبي الجنوب وديرته يم ..... الاشمال
القارظ العنزي