بري حالي من الفرقا ويا طي حالي ..
طي حبلٍ يطوى فوق بكرة محال ..
وجد روحي وجود اللي ملته الليالي ..
لين جلوه ربعه في طوال الجبال ..
ذا وجودي من الفرقا ومما جرا لي ..
يوم شح المواصل منه والاتصال ..

ليت صدر الجنوبي مثل صدر الشمالي ..
كان ما دمع عيني منك يالترف سال ..
كل جرح تداويه السنين الطوالي ..
غير جرح بقلبي باقي لايزال ..
لاتلومون روحي يوم أهوجس لحالي ..
صار ثلثين يومي من خيال لخيال ..

ذكرياته بوسط الذاكرة في خيالي ..
آه وا سقم حالي صار ماهوب حال ..
ناعم العود قلبي منك ماهوب سالي ..
لين ينعون روحي وسط قبرٍ هيال ..
انت سبة جروحي وانت كل الدوا لي ..
لايطول غيابك ياحبيبي تعال ..
أترقب وصالك لاتشح بوصالي ..
وأترقب رجوعك كل مبدا هلال ..