منتديات مسك الغلا | al2la.com - عرض مشاركة واحدة

**ليان** · 07-08-12, 04:38 PM

البارحـة يابلشـة الشاعـر .. ويـابـذت خـفـاه
من طول ليل البارحـة يـارب ماغيـرك .. مُجيـر

لاعادها الله .. كانهـا زادت علـى الخافـق عنـاه
ودكّـت هواجيسـه بعـد ماكـان عنهـا مستخيـر

ماعاد فالدعـوة غـزل .. ياصاحـبٍ جانـي نبـاه
اخذ العلوم إليـا جتـك .. هـذا قليـلٍ مـن كثيـر

ياصاحبي .. والصاحب إمّا قـام مـن دون اخويـاه
هذا .. حرام اني ماأعده لـو يصيـر اللـي يصيـر

لاصار ماهـو فـي الشدايـد فرحـةٍ للـي نصـاه
اشـك .. بأنـه يارفيقـي واحـدٍ مافيـه خـيـر

واللـي حضـوره فـي المواقـف مايشـد الانتبـاه
هذا يغيب احسن لّه ويرتـاح فـي اليـوم العسيـر

والي سعى لكسـب الجميلـة .. الله يسـدد خطـاه
دامه علـى درب الجمالـة يتعـب الرجـل ويسيـر

لـذا .. فخلّـك قـد هقواتـي علـى كـل اتـجـاه
حذرا .. تغيـرك الليالـي .. والزمـان المستديـر

الرجل .. لـو لا ماقفـه مابـان طيبـه مـن رداه
ولابان من شوحه بعيد .. (ا) من الذي شوحه قصير

والواجب ان العلم .. لامن جاك من بعـض الـرواه
انك تحقق منه .. قبـل تحـدد ( الـراي الاخيـر )

واعلم ترا هرج الضعـوف اللـي تناقلـه الوشـاه
ماهزّنـي .. وطويـق ماهـزّه نسانيـس العصيـر

اعز نفسي .. وافـرض حقوقـي علـى هـذا وذاه
لان الكبيـر يمـوت .. مانـزّل مقامـه للصغـيـر

والهرج ملكك طالمـا .. ماغـادر حـدود الشفـاه
الا ليا منّـه تعـدّا .. عـاد صـار الوضـع غيـر

يبقى ( الجزاء جنس العمل ) .. كلٍ يجازى بما جزاه
ولافيه شك إن كل دربٍ .. لهـا نهايـات ومصيـر

فأحفظ لسانك .. لاجـل ماتبلـش وتبعـد عـن أذاه
خل الذي فأقصى الضمير يموت .. في أقصى الضمير

لو أن في صدرك علوم .. أكبر من جبـال السـراه
لاتشتكي للناس .. مشكاتك علـى الحـي البصيـر

مايندم الرجّـال .. لامنـه جعـل ( مـاه بسمـاه )
فإن طعتني .. إدفن همومك كلها في ( جوف بيـر )

هاذي علومي .. واعتبرهـا زي ( لفـت الانتبـاه )
حاول تدقق في الامور .. وغوص في البحر الغزير

خذها من الخاطر .. ولاني نـادب لاعلمـي وصـاه
(وإسلم وسلّم ) .. وإستمع بالـذات للبيـت الاخيـر

حرآآآآم .. ياهرج الضعوف اللـي تناقلـه الوشـاه
ماهزّنـي .. وطويـق ماهـزّه نسانيـس العصيـر