احضنينى يا حبيبتى احضنينى
دا انتِ حبك نبض قلبي وضـيّ عيني
احضنى قلبي اللي دايب مـن حنيني
يا اللي حبك بين ضلوعى بيوسينى
*
يا أجمل خيال وأحلى غنوة ف الوجودْ
يا اللى دبت فيكى من عهـد الجدودْ
قلبى معاكى انتصرْ لمَّـا كسـرْ كلّ القـيود
واسألي عمري اللي عـدّى من سـنيني
*
حبك هزمنى . دا له حنين يقهر جبال
البعد عنك يا حبيبتى دا شىء بعيد الاحتمال
ردك سحرنى و فيه دفىء أجمل مالخـيالْ
دفئك يكفي الكون بحاله وعن جمـاله اسـأليني
*
ياحبيبتى : كلك حرارة . كلك غــرامْ
اشعر معاكى بالهدوء والحب ديماً والسـلامْ
نفسي أوصف لك مشاعري بس مش لاقي الكلامْ
اللي أقـدر بيه أعـبّر عـن غرامي وعن حنيني