وعليكم السلام ورحمة الله وبركاته،،

مشكلتج فقط الشوق له لا غير ،،
خل نوقف وقفات معاج
تقولين (( زوجي ))
وبعد ما قريت الرسالة تبين لي
الفترة اللي أحنا نطلق عليها
(( الخطوبة )) الشائع عندنا ،،
لأن بعد الملكة ولم يتم الزفاف
بس جميل كلمة زوجي فيها نوع من
ذي الشخص يعني لج الكثير اثبات كلمة الزوج في حد ذاتها حب وهو في فترة ما قبل الزفاف،،

،،
نروح لشي آخر
تقولين بعد كلمة زوجي

(( طيب والله )) = حظج والله ،،
(( خلوق )) = ما شاء الله عز الطلب،،
(( يحبني )) = من قال يحبني أنتي صح
،،
مب قلت لج مشكلتج فقط الشوق،،

ويكلمني قليل ،،
ويرد عليّ ويقولي طيب
(( حبيبتي))
هل هذه الكلمة ما لها تأثير ،، خاصة لحد الحين المفروض أنج ما اعتدتي عليها بالشكل الكبير ،،
وفعلا أنا مع
أهلج وأهله
ترى الجرد السنوي والله مب هين ،، مثل الموازنة السنوية
جهد جهد ،،
حطي نفسج مكانه
فقط تصوري أنج في مكان ما ،،
نقول مثلا أنتي مدرسة وأنتي عضوة في كنترول
المدرسة وتسليم النتايج خلاص بعد يومين،،
تصوري نفسج
،،

لا تتصلين اليوم ،،
أنا أحس بيفتقد صاحبة الصوت،،
وبيقول وينها اليوم ما غردت جميلتي،،
وبيدق على أساس عودتني كل يوم اسمع أنا صوتك،،
أنتي بمرحلة جميلة ما قبل الزواج الرسمي،،
ما قبل المسؤوليات ،،
وبإذن الله الأيام القادمة أجمل ،،
بتسافرين،،
وبتطلعين مشاوير ،،
والله بيرزقج باليهال وبتجهزين مع
سي السيد لهم ،،
ويااا رب تشتكين أنه بيتوتي
وما يطلع ،،
ومليتي منه تبين تزورين أهلج وتستليمين بوجوده
،،

وأنتي الحين فقط متنرفزة ،،
والمرأة إذا زعلانه من زوجها بالذات
لا يعتد بكلامها لأنها تشوف أشياء
سبحان الله من وين ما أدري،،

خلصي تجهيزاتج يا أحلى عروسة ،،

بالتوفيق يا قلبي

مررت من هنا
الجادل 2018
🌹
,,,,