عطني مساحة نكتب ونخاطب الروح
وصبرك على بلواي لو هي ...... ثقيلة
الشوق طاغي وحضنا فيك . مسدوح
مادري علامه حضنا طاح ....... حيله
خذني بعفوك يا بعد كل ....... مملوح
وامنحني الفرصة وباقرب .... وسيلة
عسى الليالي تشفي القلب .. وجروح
وتعاشق الارواح بيوم ........... وليلة
ودي ابوح بعشقي واطريك ... وابوح
واخاطب العشاق بشوق ...... الخليلة
يمكن يراعي حالتي عالي ...... النوح
اللي عشق مثلك وضيع ......... دليله
القلب يطلب غايته ويرسم .... اللوح
لوح المحبة يرسمه .......... يالجميلة
حبك بنى له عندنا صروح .. وصروح
صرح طويل ويحتري له ...... طويلة
يا غاية العشاق ويا مهجة ..... الروح
قول ي هلا والقلب عندك ...... مقيله
ويرتاح بالي والخطا صار .... مدموح
واللي وقع من العتب ......... بالنثيلة
واقول انا مسموح مسموح . مسموح
وكل المشاعر جتكم مني ....... ذليلة
القارظ العنزي