‏..

رجّعيني " لي "
اذا كانك تبيني
وانحري هالصمت الأتفه .. قابليّه
في غيابي
لا يهمّك
واخنقي هالبوح الأتعس .. شاعريّه
في حضوري
لو يهمّك
رتّبي فوضاي الأكثر .. جاذبيه
لو سوالف
لوّني هالغامق اللي عاش فيني
لون فاتح
وامسحي هذي التجاعيد .. الغبيّه
عن جبيني
..
انحري هالغيمه الثكلى بعيني
وانفضي هم السنين .. الجاهليّه
دثّري هالبسمه الصفرا
على عاتق حِداده
يا حنينه
بدّدي هالحاضر الأكثر سواداً
من سواده
سامحي كبوة جواده
كان مخطي
كان الأحمق
أكثر من أكثر " شويه "
عاتبيني .. زعّليني
إجرحي هالعاشق الأكثر بَلاده
شتتيني .. لملميني
بعثري للريح ثلثين إعتقاده
سهّريني .. أرّقيني
إكسري ضلع الليالي والوساده
حايرٍ ياما فقد لذّة رقاده
منطقيني .. مسرحيني
بدّدي هاللي بقى لي من إراده
ذوّبي هالسكر اللي بات خايف
حرّكي هالمر في كاسين ساده
اكتبيني .. إقرئيني
دامك بعين القصايد يااا بِلاده
مو مهم
المهم .... إشلون ممكن
رجّعيني " لك "
إذا ممكن
أبيني

..

إيييييييييه أبيني

.

عتيم




.