صراحة مش قادرة احس ابدا بأي تعاطف مع الأم بتاعة البلكونة دي

من ساعة ما شوفت فيديو و انا مش مصدقة أن ممكن ام أو أي واحدة تعمل كده مع ابنها او حتى طفل غريب
يعني نسيتي المفتاح بالبيت و ده عادي بيحصل انما تجبري طفلك أنه يطلع من البلكونة بالمنظر ده و كان ممكن يقع
الولد كان خايف و بيصرخ و أمه قاعدة تضرب فيه و تذق فيه و كان ناقص ترميه من الشباك عشان ينط منه لبلكونة البيت
و كل ما يحاول يرجع تاني و يصرخ تذقه للخارج من الشباك
بجد مش متخيلة المنظر
مفيش اي حاجة تخليني احس بتعاطف معاها لا فقرها و لا جهلها و لا اي شيء يعطيها مبرر للي حصل و المشهد اللي شوفته ده
يعني اضعف الايمان كنتي اكسري الباب و ادخلي بيتك بدل ما ترمي ابنك للتهلكة
لولا ستر ربنا كان زمان الولد وقع و مات لكن ربنا قدر و لطف و عطاه عمر تاني
حظك حلو و الا كان زمان داخلة السجن و تستاهليه صراحة

لا و جاية بالبرامج تقول انها متقصدش إيذاء ابنها قال
ههههه اومال لو تقصدي كنتي هتعملي ايه

اصلا زمان الولد بيكرهك و مرعوب منك و هتكوني بالنسبة له الوقت اللي كانت هتتسبب في موته و عن قصد

مثال سيء للأمومة

ربنا يخلي لينا امهاتنا