تغلا على كيفك مدامك غلا مغليك*
يامحلا الغلا ياللي تغلا ويا مروعك,
,
احب الحياه اللي تضمك وبين ايديك
اشوف الحياه اللي تضمك ولا توسعك
,
لأنك قمر اقول سبحان من يخفيك*
شبيه القمر في كل مطلع شهر مطلعك
,
وتحب المطر وانت المطر ينزل يحاكيك
وتحب العطر وانت العطر منك و منبعك
,
وتحب الغلا وانت اتغلا على غاليك*
وانا ودي اودع حياتي ولا اودعك
,
وتكبرت ياللي مكبرك في عيوني ذيك
وانا اللي نثرت لك القصايد عشان اجمعك
,
تغيب وتعرف اني بعاني عشان اجيك*
وتسترجع الذكرى وانا اعرف وش رجعك
,
تعرف اني احبك محبه بلا تشكيك
لو انك توزع ل الفقارى ب وزعك
,
لاتزعل ولاياخذك مني الزعل .. ابيك*
تعرف اني اكثر شخص لو توجعه ما اوجعك
,
انا احاول اني قدر الامكان ما اخليك*
ولو يخدعك وقتك انا مستحيل اخدعك
,
افكر وانا ماودي افكر الا فيك*
واسافر وانا ماودي اسافر الا معك


يالبييييييييييييه يااانااااااس احب قصااايد هالشااعر