حابه أتكلم عن موضوع مهم ..

أثناء متابعتي للسناب أضفت وحده أمريكية
فيها جمال لا إله إلا الله .. أحس كل شيء فيها كامل من ناحية الشكل

بس لما تابعتها وبديت أشوف تفاصيل حياتها
لاحظت إنها فارغة .. فارغة جداً !
ما عندها شيء تسويه غير تلبس وتتصور
أو تنزل أغنية جديدة
مع العلم إنه حتى صوتها مو ذاك الشيء
بس عشنها تبى تصير مشهورة قامت تغني والا كثير قالولها صوتك فيه نشاز شوي

ومع الأيام لاحظت إنها ما تثبت مع أصدقاء معينين
مع إنها في سن المراهقة وهذا السن يتعلق في أصحابه بشدة
بس هي ما كان أحد يحب يطلع معاها أو عالأقل ياكل معاها وجبة !

اللي نستنتجه من هذا كله (وحديثي موجه لفئة البنات أكثر)
إن الشكل مو كل شيء ،.
يكاد يكون مجرد صورة يتأملها العابرون في حياتك
وما يبقى إلا المهتم بالجوهر
بمعنى / كل ما اعتنيتي واهتميتي بجوهرك ، ثقافتك ، أخلاقك ، اهتماماتك ... الخ
كل ما التفوا الناس حولك أكثر
وذكروك أكثر واهتموا إنهم يحصلوا على جزء من وقتك
واتمسكوا فيك

بينما لو اكتفيتي بالشكل الظاهري
حتكوني مجرد صورة .. يتفرجوا عليها ويمشوا
محد حيتحمس للجلوس معاك مدام ما عندك ثقافة أو اهتمامات
وكل الأصدقاء بالتدريج حيتركوك

أتمنى رسالتي وصلت