02-14-19, 11:54 PM
|
#189 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
d تـــراتـيــــل مخمـليــــه ≃ التـرتيـله الســـادســــه ≃ valentine c
حسب الروايه الشهيره (الراهب فالانتاين) عمل شغله كتير هامه وعظيمه بتزويج الصبايا والشباب .
بس من جيل ل جيل احتفالات عيد الفالانتاين فقدت بريقا ومعانيها ... صارت أوفر والمستفيد الأكبر
هني صاحب محلات الورود والدبدوبات .
بعرف ازواج أكتريه ايام السنه متخانقين ومتعاركين وبس تجي 14 فبراير حالتن بيتغيير 180درجه ورح يغرقو بعض بالورود والدببه الحمراء (ع أساس صارو كيوت ورومنسيين)
وبيوم ال 15 أو يلي بعدو رح تبلش بقا الخناقات من جديد ،،، لهيك برائي بدال ماتقلدو الغرب ،،، حاولو عنجد تتقربو من بعض وتحسنو من حياتكن
لانو هالورود والدببه منن تعويذات سحريه لحتى يحلو مشاكلكن وخلافاتكن !! .
وشخصيآ مني ضد الاحتفال وتقديم الهدايا لأنو الناس أحرار بقا يحتفلو كيف مبدن ،،، بس كرائي خاص فيى مابحب الأشيا الكليشيه والتقليد العمياني .
يجوز لانو (كتر خير الله قلبي خالي )،،، لهيك بلاقي المناسبه ثانويه ومابتعنيلي ابدا .
صحيح انا أنسانه رومنسيه وبكتفي بالرومنسيات يلي بشوفن في الأفلام ويلي عم أقراهن بالقصص والروايات .
بس بذات الوقت عقلانيه وواقعيه بلأضعاف ومابحب أعلق قلبي وحالي بالمجهول يلي محدا غير رب العالمين بيعرف كيف ومع مين بيكون !!
بيجوز هالعاطفه المخبايه يلي مخزونه بقلبي ، بعدني مالقيت أو مالتقيت بالشخص المناسب يلي بيستاهلو
وع الاكتر رح بيروح لجوزي المستقبلي !!
ومع هيدا مرح بينلو الا شوي ،،، لحمايه قلبي من الصدمات ومفاجأت القدر .
مبعريف كلو تمنيات ،،، بس ع قد مافيى رح قاوم مشاعر واحاسيس الحب ،،، لانو هالعاطفه اديش ماتكون قويه رح تاخد من رصيد العقل والمنطق ،،، بيلعب بالمزاج والأعصاب ،،، بيتعب الروح والقلب ،،، وبيضعفو الانسان خاصتا المرأة وأنا عطول قويه وحابه ظل قويه .
حتا لو لاقدر الله (مستقبلآ) آذا زارني موجات الحب ،،، اكيد مرح كون من النوع يلي بيوقعو من طولن أو بيسكرو عيونن كرمال حبيبن أو جوزهن !!
يعني حلوه الاحلام الورديه والطيران ومدري شو ؟!! بس بعدين شو بدو يصير لما يهبطو لآرض الواقع !!
بعرف أنو مفي ضمان بأي شي بهالدني ،،، وكلشي مؤقت ورح يتغيير .
ولاني معوده ع الخواتيم ، ومبفوت بأي مجال او قصه أو شغله اذا مابعرف شو نهايتها ،،، لهيك مرح شيل القفل من باب القلب لبينما الله يبعت صاحب المفتاح السحري ؟!!
بعرف أنو في عشاق كانو بيحبو بعضن وحبهن طاهر بس اهاليهن وقفو بوشن او فرقهن القدر ،،، وهلاء العشق صار رماد ومش جايبلن غير القهر والعذاب !!
لهيك وبرائي بقا الأنسان قد مافيه مالازم يربط سعادتو ومستقبلو بشخص أخر ...
لان هالشخص حتا لو كان ملاك ،،، اذا الله مكاتب قسمتكن سوا ،،، رح بيدمرك اكتر ماالاعداء والمنافسين بيدمروك ورح يكون أكبر مصدر للألم والتعاسه بعد ماكان ينابيع من الامل والسعاده !!
✍....... a تـــاتــيـــانــــــا b
|
|
|
|
 |