[frame="12 98"]


فز القصيد و لاحت بـروق ورعـود
بيـن القوافـي والمعانـي عـذيـه


وامطرت من غيم الشعر كل موعود

با بيات شعـري والمشاعـر نديـه



ولمت الصدور اللي بها الصدق مفقود
في طرح واضـح والمواجـع قويـه



دام الخوي مالـه مواثيـق وعهـود
ما هو خوي ان ما وفا مـع خويـه



بعض الصداقه تنبني صـح وتـزود
صدق و وفا بيـن القلـوب الوفيـه



مضمونها مبني على الطيب والجـود
يبقى ما بين اهـل النفـوس النقيـه



لا كشرت في وقتك ايامـك السـود
تلقى رفيق الروح صبـح و عشيـه



يسقيك من صفو المشاعر بلا حـدود
مثل المطر مـن عنـد رب البريـه



وبعض الصداقه دربها فيـه منقـود
درب المصالـح ينتهـي بـالأذيـه



يمكن تشوف الود بقيـاس محـدود
ثم تكتشـف خبـث النوايـا الخفيـه



عمر الغلا ما كان بشـروط و بنـود
الا ما بيـن عقـول ياهـي غبيـه



وعمر الخطا لو كان من غير مقصود
ما يزعل اصحـاب القلـوب العليـه



ودام الوفا في بعض الارواح موجود
سج القـدم واشعـل فتيـل التحيـه



في كل روح بطيبها تشهـد شهـود
واهجر نفوس بحقدها تمـوت حيـه




وسلامتكم
[/frame]