منتديات مسك الغلا | al2la.com - عرض مشاركة واحدة - ضَحِگتِـيً َفٍيًهُـآإ [ غٌ‘ـمٍوٍوٍضَ ] وٍدُمٍعُتِـيً َفٍيًهُـآإ [ غٌ‘ـرٍآبُـه ]

**سمو المجد** · 02-22-19, 01:41 AM

السسسسسلام عليكم ورحمة الله

جيت بعد غياب
اقصد يعني انو صارلي كم يوم م انزل يوميياااتي؟؟

مدري بس طوولت صراحة

المهم ههو صح ان اليوم جمعه والساعه 12:53 دحين

بس انا باكتب عن يوم الخميس
16-6-1440

اول شي هاليوم كان عندي مشروع عليه 20 درجة ف مادة حقوق الانسان <<ماده عامة ف التخصص

من اسبوعين شفت البنات ف القروب انو مين تدخل معي من الي م دخلوا ف قروب وتواصلت مع وحدة من البنات وقلنا خلاص انا وهي مو مشككلة الدكتوره قالت من طالبتين ف اكتر

ف البدايه كنا نتشاور عن فكرة مشروعنا
شفنا اعمال القروبات الي قبل بعضهم تكلموا عن الصداقه وبعضهم حقوق الطفل وبعضهم حق الزواج وووو
المهم قلت دام في شي اسمو صداقه ف ليه م اتكلم عن التسامح؟
وتم الاختيار

صراحة الاسبوع الي فات كان المفروض يكون مشروعنا بس لحسن حظ صحبتي انها اختارت وحدة فهاااوة زيي
قلت لها انو خلاص انا اسوي العرض وانتي عليكي توزيعات وخفايف يعني
قالت اوك
المهم يوم الاربعاء الاسبوع الي فات كلمتني ف الليل قالت لي سويتي العرض ؟؟
هنا انا جد تننننحت واتفششلت وربي مرة نسيتو
اعتذرت منها بس قالت لي مو مشكلة ناجلوا للاسبوع الجاي لان هي كمان مو مداومة لظرف ..

خلصت العرض يوم الجمعه اتوقع او السبت نسيت والله متى
وقعدت استشير ماما انو ايش ممكن اسوي شي للمشروع اضافي
اقترحت عليا اسوي فواصل للكتب ومكتوب فيها عبارات عن التسامح

دي هي الفواصل <<<
1-

2-

3-

4-

امممم
العرض كان جدا بسسيط ف قلت استخدم موقف ارتجالي وقت العرض بحيث اني اقول للي حاضرين قصه عن التسسامح
وفكرت ف اني اكتب شعر او خااطرة عن التسامح
من اسبوعين الفكرة ف راسي بس كل م احاول اكتب احس مافي كلمات مناسبه
تخيلوا اني كتبت القصيده ليلة الخميس الساعه 3:23 ص
ههههههههههههههههههههههههه

كلماتها بانزلها ف المشاركة الي بعد دي ان شاءالله

والقصه قريت من قوقل كم وحدة والي عجبتني قلتلها لهم بس باسلوبي مافيني حيل اكتب صراحة

بسس جد جد جد اول مررة كده احس معنى كلمة انجزت ..!
مبسسسوطة من نفسي كنت مرة

صدمت الدكاترة وصحباتي والله
يعني لدرجة صحبتي تقول لي والله مرررة مو باين عليكي انك تكتبي او ترسمي ..(:

الدكتورة الي تدرسني عددي قالت لي بعد م سمعت قصيدتي انتي ي (. ) يطلع منك كده؟؟

ودكتورة الحقوق قالت لي ماشاءالله دا وانتي رياضيات وكاتبه ايش بقيتي للاداب (:

المهم جد مرة مو عارفه ايش اقول
بس كلامهم كلهم لي اسسعدني والله

دي كانت الطاولة

للاسف اللاب كان منتهي شاحنوا ولا كان لزوم يتصور العرض بس عووافي

بعد م خلصت دخلت المحاضرة
احس الدكتورة حقت العددي من كتر مو مصدومة مني بس تطالع فيني احرججججتني ياااخي

وبس كده باختم
مدروخة نووم والله :66: