تجين نشاور أهداب السحاب اللي جلس يرتاح
وش أحلا لون فص الشمس وإلا لون وجناتك

تجين نعلم التوت المشي ونزخرف التفاح
ونشرح بالكرز والثلج كيف تسيل ضحكاتك

تجين نجدل خيوط الشعاع ونكسر المصباح
ونشعل في حنايا العمر نور زهور خطواتك

تجين نقفل أبواب الفراق ونبلع المفتاح
بعد مانسترد اللي من أحلام الوصل فاتك

تجين نحارب الدنيا ومن فيها بدون سلاح
انا بالحب وإنتي بالجمال وسحر نظراتك

تجين بفالنا الطيب نقوم حظنا لو طاح
ونربط في جناحين الأمل شرطان هقواتك

تجين نغمض عيون القلوب ونتبع الأرواح
وأراهن شمسك أني لأزور أبعد مداراتك

تجين نصارح القمرى بنور ظلالك الوضاح
ونكشف للسحاب ان البروق اسباب لفتاتك

تجين نسابق أنوار الفنار لنظرة الملاح
ونكتب للسفر مافيك لذه غير اهاتك

تجين أبدل الباقي بعمري عمرك اللي راح
وأكون أول حبيب في نهاياته بداياتك

تجين نعد كم نجم تعثر في سناك وطاح
وكم بدر تمنى لو قباله مثل تقفاتك

وتجين نشاور أهداب السحاب اللي عجز يرتاح
يحسب الصبح نور الشمس وهو ظلال وجناتك


عبدالمجسن السعيد

ويطلع احساس ووتفضل شاعرتنا وهج وسمو الله يقدرني ع فعل الخير