02-24-19, 12:55 AM
|
#1 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
لـمــاذا يسـرقنـا الحنـيـن الى المـاضـي ؟!
السلام عليكم ورحمه الله وبركاته
لـمـــاذا يسـرقنـا الحنـيـن الى المـاضـي ؟!
لِــمـَــا نهرب الى الماضي ونحن نعيش في الحاضر ؟؟!!
ولماذا دائمآ نشتاق لذكريات وعبق الماضي , رغم آحتوائه على بعض الفصول الكئيبه والمؤلمه !!
لــِمَ ,,, ولِــــمَــــا ,,, ولِــمَــاذا ,,, باقه من التسآولات يوصلنا الى حقيقه واحده :-
لـمـاذا نرى الماضي آجمل وآشرق من حاضرنا ومستقبلنا ؟؟
حسب رؤيتي الخاصه وتحليلاتي المتواضعه في اكتر من سبب :
اولا ::: نوعيه المشاعر
المشاعر المصاحبه للماضي بتكون اكتر شي حنين أو اشتياق ,,, بوقت مشاعرنا تجاه الحاضر اكتر شي خوف ،،، ونحو المستقبل مليئة بالقلق !!
ف هون طبيعي رح نرتاح نفسيا مع نوع المشاعر المصاحبه للماضي !!
تانيا ::: المدى المغلق والصور الواضحين
من المعروف انو المدى الزمني للماضي مغلق ومحدد ،،، بوقت المدى الزمني للحاضر والمستقبل مفتوحين وداخلين ببعضن !!
بحيث في الماضي شفنا كل الصور وعشنا كل الاحداث ... وبين الفتره والتانيه عم نسترجع شريط ذكرياتنا ع شكل فيلم طويل او البوم صور !!
بس اذا بدنا نتخيل المستقبل ف مابنلاقي صور واضحه وهيك رح يتشوش افكارنا ويتغيير مزاجنا , ورح بيضلو هالصور مجرد تخيلات سرابيه .
تالتا ::: الذكريات الجميله والآحباء الراحلون
هالباقه المحفوره بالقلب ,,, فقط عند العبور الى بوابات الماضي فينا نرجعهن ونستردهن ،،، بدليل وقت هالماضي الغالي بيجينا ع شكل آحلام ،،، ووقتا من كتر سعادتنا مابدنا نفوق من هالاحلام ,,, وبدنا نكفي ولو بعض الثواني من هالحلم المفقود !!
رابعا ::: العمر والصحه
لانو الحاضر والمستقبل عم يسروقو عمرنا وشبابنا وبيسحبو صحتنا وطاقاتنا ... بوقت لما بنتذكر الماضي ،،، فورا رح نحس انو رجعنا لمرحله الطفوله والصبا وكل قوتنا وطاقاتنا عادو لالنا واستردناهن .
لهيك مع الماضي عم يزيد حماسنا وتفاؤلنا ويتجدد رغبتنا في الحياه ، ومامنعود بقا نخاف من أمراض أو اوجاع ,,, آو حتى من مفاجآه القدر .
خامسا ::: الإنجازات العظيمه والطموحات
لانو بالماضي الجميل حلمنا بتحقيق انجازات كبيره وكان عننا طموحات كتيره ,,, وقت نحقق هالانجازات بالماضي ،،، بيكون مفعولن متل السحر وتاثيرن علينا لمدى العمر !!
ولما بنسترجع هالمحطات المشرقه من حياتنا , بنسافر ع نفس الزمن ونفس الاحساس !!
بس بالوقت الحاضر حتا لما نحقق اي انجازات ،،، بيكون سعادتنا فيه سطحيه ،،، وبننتسبو للماضي لانو التخطيط المسبق موجودين بالماضي !!
سادسا ::: العلاقه العكسيه
صار معلوم للجميع انو الحياه كل ماتتقدم والتكنولوجيا كلما بتتطور ،،، رح ندفع مقابلو من سعادتنا ،راحه بالنا ،،، ومن نمط حياتنا
لهيك بعض الأوقات رح نترك هالحاضر المتطور المعقد ،،، وبنهروب للماضي لحتى نسترد هالحياه البسيطه يلي عشناها ،،، مع أواصر عائليه واجتماعية اقوى بكتير من هالحاضر ,,, ومكننا نسمع كل هالخبريات المحزنه والكوارث !!
وآنتم آخواتي و آخواني ؟؟ مارائيكم بموضوعي ؟؟ وبتحليلاتي الخاصه ؟؟
وبرائيكم لِـمـَــاذا يسـرقنـا الحنـيـن الى المـاضـي ؟!
ولـمـاذا نرى الماضي آجمل وآشرق من حاضرنا ومستقبلنا ؟؟
بآنتظار مشاركاتكم المميزه ......... ودمتم بخير وسعاده
|
|
|
|
|