درت المواقع كلها ........... والادارات
وحاولت ابث بفكرتي ..... وارفضوها
مدري الخطا مني وتقديس .... للذات
والا الخطا منهم وهم .......... كبروها
يالمنتدى قلي قبل بدع ....... الابيات
قضيتي وصلت لكم ........ وابحثوها
اما بديت بفكرتي ............ والبيانات
والا ارفضوها مثلهم ....... واحذفوها
وانا ترى عيبي علوم ......... وروايات
اجيبها وابثها ................ واحتووها
ما جبتها من بدعتي ..... والخواجات
سنة نبي الله وناس ............. رووها
والطيب اللي فزعته ابشر ...... وهات
يالمنتدى قضيتي وانت ......... ابوها
نكتب غزل في حبنا ........ للخوندات
على طريقة ذو القروح ....... افهموها
الكندي اللي يكتب القاف ...... هيهات
من يفهمه لو سنتة ............ حرموها
والا الفرزدق بالغزل له ........ متاهات
وسوالف بين العرب ........... حرروها
من يبتلى بالعشق عاش .... العذابات
يكتب عواطف في عواطف ... وفوها
عواطف اللي تشلع القلب ..... بالذات
من شافها قال اسرعوا .... واعشقوها
وانا عشاق للغلا وين ......... ما جات
البلد لها لو الاهل ............. غمغموها
حتى تمر وارسل لها ........ بالتحيات
كني بصلاتي لا يتحسس ...... اخوها
بنت ذكية تفتهم ............ بالاشارات
يا لعن ابوها بالذكاء لعن ........ ابوها
من شانها نكتب جزيل ...... العبارات
واحرر الفكرة ولو ............. جرموها
عواطف ترسل عطفها بعض الاوقات
ترسل حقوق العشق لو ....... ربطوها
كل الحلا في صدرها له ...... علامات
هنيت اهلها باللي جوا .... واخطبوها
يا درة ما شفتها بكل .......... ما فات
تجارها من صنفها ............ واقتنوها
القارظ العنزي