| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
♀ لاتَضــرِبْـهـا ولـو بــــ وَرده ♀
آخواتي وآخواني الكرام ,,, آسعد الله كل آوقاتكم بالخير والبركه
في البدايه بدي هنيء كل سيدات وآنسات المنتدى بمناسبه يوم المرأه العالمي ,,, ينعاد علينا وعلى جميع النساء بكل خير وسعاده .
موضوعي هالمره عن حـــواء ... ولآثراء طرحي ,,, حبيت اختار 8 محاور أساسيه للمناقشه والحوار البناء ,,, وآذا حابين تعلقو عن آي محور من هالـــ 8 و تناقشوه ,,, آو اذا حابين تحطو مشاركاتكن ,,, آهلين فيكن رح بتنوروني ...
1_ الفارق الجسماني
ربنا خلق الرجل اكبر طاقه واقوى بنيه, ولكن بعض الذكور عم يستغلو هالفارق وبيقومو بضرب والاعتداء على النساء وآحيانا القتل ... عكس وصيه رسولنا الامين محمد (ص) {استوصُوا بالنساءِ خيرا ,,, خيركم خيركم لأهله وأنا خيركم لأهلي}
يعني الله عطاك القوه حتى تحميها وتحافظ عليها ؟؟ ولا كرمال تضربها وتذلها ؟؟!!
2- الفارق العاطفي
بعض الرجال عم يستغلو عاطفه المرأه الجياشه لمصلحتن , بعدين بيقولو المرأه ناقصه العقل والدين !... ومابياخدو بوصيه نبينا الآمين (ص) {إنما النساء شقائق الرجال ,,, ما أكرمهن إلا كريم، وما أهانهن إلا لئيم}
و عم يتمسخرو ع هالمخلوقه يلي الله بجلاله قدرو وعظمتو خلقها عاطفيه وحنونه ..
طب آذا هيا ناقصه العقل والدين وتغلط ,,, آنتو ع آساس كاملي العقل والدين , لشو بقا بتغلطو ؟؟!!
ملاحظه هامه// هون انا مرح برر الاخطاء يلي بعض الفتيات عم يوقعو فيهن تحت (مسمى الحب) لانو بنظري الغلط غلط سواء يصدر من المرأه او الرجل ,,, والمرآه ضروري تحافظ ع حالا وماتسدق آي نوع من الوعود ,,, وآكيد آذا حدا قصدو شريف بيعرف يندل ع باب البيت .
3 - الحقوق
عكس مابيعلنو في آعلامهم المخادعه ,,, الغرب اكتر من الشرق اكلين حقوق المرأه , وعم يعطوهن رواتب بنسبه 75% , وبيقللو من شأنهن , وعم يقومو بابتزازن والتحرش اللفظي (ومرات الجسدي) مقابل ياخدو وضيفه ويستمرو فيها .
4- حق الاختراعات والآنجازات
من الآزل والعالم الذكوري مابيعترف بقا بانجازات وابداعات حواء ,,, ومابيفرق آذا كان بالشرق آو بالغرب ,,, والطامه الكبرى الآختراعات يلي انسرقو من النساء وآنتسبو للرجال ,,, ومحدا سمعان بآسامي آصحابهن الحقيقيات
متل :-{ آنجازات العالمه (شين شيونغ وو) في الفيزياء التجريبية النووية يلي انتسبت ل2 من مساعديها وهما (تسونغ-داو لي) و (تشن نينغ يانغ) وتنيناتن حصلو على جائزة نوبل في الفيزياء في عام 1954
وآيضا الطبيبه (روزاليند فرانكلين) مكتشفه الشكل الحلزوني لل DNA ... ولكن 2 من زملائها وهم (واطسون وكريك) حصلو على جائزة نوبل بدلا عنها .
وفي مجال الآختراعات يلي عم نستفيد منها في زمننا الحالي .... الممثله (هيدي لامار) مكتشفه اختراع الاتصال اللاسلكي ... واللايدي (آدا لوفلايس) ابنة (اللورد بايرون) ابتكرت آول نموذج للكمبيوتر ,,, يلي ظلمهم الرجال والتآريخ لما كانو على قيد الحياه وضاع كل حقوقن.
5- حريه القرار والاختيار
بحجه الفتيات مابيعرفو مصالحهن وقراراتهن خاطئه , يتم تزويجهن من اشخاص مختارين حسب اذواق اهل البنت آو زواج مصلحه ,,, واكتريه هالزواجات مصيرن الفشل سواء كان بالطلاق او الاستمرار بحياه تعيسه ومؤلمه .
و كرد فعل لهالزواج الاجباري , مرات بيحصل خيانات من قبل الطرفين , واكبر الضحايا بيكونو الاطفال المساكين يلي ضايعين بين الاهالي .
6 - العمل
في اشخاص بزمننا الحالي بيقولو المرأه مكانها البيت وبس , مش محتاجه للعمل !!
طب بزمن رسولنا الحبيب (ص) والصحابه الكرام ,,, الصحابيات الكريمات مكانو طالعين ع ميادين المعركه ومكانو بيداوو الجرحى !! وهيدا مابيعتبر عمل ?!
والسيده خديجه (رضي الله عنها) آحسن قدوه لالنا ,,, كانت تاجره ناجحه وبتدير كل شؤنها وآموالها بنفسها .
7- الدراسه
كمان في بعض الاشخاص عم يقولو النساء مش بحاجه للتعليم والدراسه !! بوقت رسولنا الحبيب امرنا بطلب العلم {اطلبو العلم من المهد الى اللحد} و{اطلبو العلم ولو في الصين}
وماقال الرجال فقط يدرسون ,,, والنساء ينزرعو بالبيت ,,,
وبرائي ,,, آذا بتثقف رجل معناتو ثقفت فرد واحد ,,, بس بتثقيف آمرأه واحده رح تثقف آسره وجيل بالكامل !!
8- السياسه الدوليه والحكومات
بسبب غطرسه الرجال على المواقع السياديه ومحاربتهم للمرشحات النسويه (وآخر مثال دونالد ترامب ومعاداتو لــــ هيلاري كلنتون ) هيدا نموذج آمريكا بس مع عقليه متخلفه مفيك بقا تخليه متحضر ....
وفي عالمنا الآسلامي والعربي , للاسف من وقت طويل ماصادفنا اي رئيسه دوله او حكومه او حتا وزيره بارزه ,,, بوقت اكتريه رئيسات دول شرق اسيا والدول اللاتينيه وحكومات اوروبا نساء وجميعهم لامعات وناجحات .
بس في التاريخ القديم كان عننا بقا نماذج سياديه وقياديه مشرفه ومشرقه آمثال :-
السلطانة شجرة الدر .."ملكة المسلمين" التي حاربها خليفة بغداد
أسماء الحرة بنت شهاب الصليحية .. حاكمة اليمن
السيدة الحرة.. المغربية حاكمة تطوان والبحار
والسيده عادلة خاتون ... حاكمه مدينه حلبجه الكورديه
وعلى مدار التأريخ كل الحروب كانو بسبب الرجال ... بآعتراف القائد (نابليون بونابارت) لما قال :- (لو كان حكم البلدان بيد النساء ,,, لما قامت الحروب وعاش الجميع بسلام) !!
وآخيرآ بدي قول ... لجميع بني آدم ...
عندما تُنفخ فيك الروح تكون في بطن امرأة ,,,وعندما تبكِي تكون في حضن اِمرأة
,,,, وعندما تعشَق تكون في قلب امرأة
رفقاً بها فالاُنثى أمانة ,,, ما خُلِقَت لﻹهانة !!
فلتحيا كل أنثى متزوجة أو عازبة أو مطلقة أو كانت أرملة ,,,
ستظلين امرأة لم يزدها الزواج كرامة ,,, ولن ينقصها الطلاق أنوثة !!
كونك امـرأة .. عليكي أن تعلمي أنك جنـة .. أنك نصف الحيـاة .. أنك البيـاض ..
أنك فصـل الربيـع .. وقطـرة غيـث لأرض قاحلـة !!
|
|