انا ويدتي


اتذكر كنت افكر ببطن يدتي
وما اهتم في بطني يحليلي
كله كنت اقول ، على قد حالهم !
ولكني ما اخسر الخاطر في نظرهم

اتذكر يدتي تخدعني تآكل جدامي خبز وفجل ، وتقول كلي رويد لا تآكلين فجل
وكانت تآكل جدامي خبز ومانجو تقول كلي معاي
وكانت تآكل جدامي خبز وروب تقول ما في غداء كلي هذا لذيذ
وكانت تآكل جدامي خبز وتشرب لاسي روب مع سكر
وماء ، وهي تعفص وجها
بالليل بس تشرب حليب مراعي ، من غير سكر
يمكن تحافظ على صحتها ، مثل ما تحافظ على طول شعرها المعقص ، كنت اقول انتي كله تعقصين شعرج
افتحي شعرج انا بمشطه وبعقصج عقصين
وبسوي شعرج مثل شعرالحصان
وانا كان شعري طويل بس مهب اطول من شعرها
هذا بدال ما اقول انا بسوي شعري مثل ذيل الحصان !
حتى لبسها اقول انتي كله تلبسين ابيض
غيري اللون
وكنت اقول ليش اسنانج صفر،
فرشي اسنانج ،
هذا بدل ما انا اهتم في نفسي ، وافرش اسناني ،
صدق كنت غريبه لأني ميته مع الي يتبنوني
يدتي ام الوالده الي تتبناني
كنت احبها وايد
وندمت ليش كنت احبها وايد
يدتي ماتت في المستشفى