لا عكرت صفو المزاج المهابيل
حطيت شذاب المقفي ورايه
سريت بهجوس الخواطر مع الليل
وقريت ما علق بظهر المرايه
كانه محاري سيل قلنا عسى سيل
وإن قيضت فمكيف الجيب غايه
الجيب به حيل وراعيه به حيل
لا قال رايه راي حقق الجيب رايه
ومسكت خط لا مصلح ولا زيل
مهندسه ضايع ومهمل وتايه
مطبته تثلم علو الفناجيل
لو إنها في وسط خرج وثايه
وافرق واقول الله عليه التساهيل
وما دمت متوكل فربي معايه
واجلس واشب النار واحط واشيل
مبعد عن اهل النمنمه والوشايه
والهيل بالدله ودله بلا هيل
والشاهي الخادر لحاله حكايه
وناخذ ونعطي من جزيل التماثيل
اللي يشابه مطلعه بالنهايه
نتعب ونلقى من تعبنا محاصيل
وارجع وكل هموم وقتي ورايه
طلعه وتنسيك العنا والبهاذيل
يوم الردي يرقد بوسط البنايه
انشهد "